ଭୁବନେଶ୍ୱର(ଓଡ଼ିଶା ରିପୋର୍ଟର): ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜନ୍ମଦିନ। ଏହି ଅବସରରେ ପୂର୍ବତନ ସାଂସଦ ବୈଜୟନ୍ତ ପଣ୍ଡା ଟ୍ୱିଟ୍ କରି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି।
ଏହାସହ ବାତ୍ୟା ମୁକାବିଲାରେ ସେନା ଓ ଓଡ୍ରାଫର ଭୂମିକାକୁ ପ୍ରଶଂସା କରିଛନ୍ତି।
ବୈଜୟନ୍ତ ପୁଣି ଥରେ ବିନା ମୂଲ୍ୟରେ ପୂର୍ବପରି ତାଙ୍କ ହେଲିକପ୍ଟର ବ୍ୟବହାର କରିବା ପାଇଁ କହିଛନ୍ତି।
ବାତ୍ୟାରେ ୪୫ ଜଣଙ୍କର ମୃତ୍ୟୁ ନେଇ ରିପୋର୍ଟ ଆସୁଛି। ନିଖୋଜଙ୍କ ପରିବାର ଉଦ୍ଧାର, ରିଲିଫ୍ ଚାହୁଁଥାଇ ପାରନ୍ତି ବୋଲି ସେ ଟ୍ୱିଟ୍ରେ ଉଲ୍ଲେଖ କରିଛନ୍ତି।
ସୂଚନାଯୋଗ୍ୟ, ସିଲ୍ କରି ରଖାଯାଇଥିବା ତିନିଟି ହେଲିକପ୍ଟର ମଧ୍ୟରୁ ଦୁଇଟିକୁ ବାହାର କରି ରାଜ୍ୟ ସରକାର ମାଗଣାରେ ରିଲିଫ୍ କାର୍ଯ୍ୟରେ ସେଗୁଡ଼ିକୁ ବ୍ୟବହାର କରନ୍ତୁ ବୋଲି ବୈଜୟନ୍ତ ମୁଖ୍ୟମନ୍ତ୍ରୀ ବାରମ୍ବାର ଅପିଲ୍ କରିଛନ୍ତି।
ଚିଲିକା ଉପରେ ଉଡ଼ାଣ ଅଭିଯୋଗରେ ଇମ୍ଫାର ତିନିଟି ହେଲିକପ୍ଟରକୁ ସରକାର ସିଲ୍ କରି ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
