ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବଲାଙ୍ଗିର,(ସସ୍ମିତା ସାହୁ): ମୁଁ ଶବ କହୁଛି । ଦୟାକରି ମତେ ଏଣେ ତେଣେ ଫିଙ୍ଗ ନାହିଁ । ସମ୍ମାନ ନ ଦେଲ ନାହିଁ ଏମିତି ଅସମ୍ମାନ କରନି । ନିଆଁ ଟିକିଏ ନଦେଲେ ନାଇଁ ମାଟି ମୁଠାଏରୁ ବଞ୍ଚିତ କରନି। ଏଠି ସେଠି ଫିଙ୍ଗା ପଡ଼ିଥିବା ମଲା ମଣିଷଙ୍କ ଦେହ, ପଚାଶଢ଼ା ଦେହାବଶେଷରୁ ସତେ ଯେମିତି ଭାସି ଆସୁଛି ଏମିତି ସବୁ ଆର୍ତ୍ତ ଚିତ୍କାର। ବଲାଙ୍ଗିରରୁ ଖୁଜେନ୍‌ପାଲିକୁ ଯାଇଥିବା କଳା ମଚ୍ ମଚ୍ ରାସ୍ତା କଡ଼ରେ ଏମିତି ଶବ ପଡ଼ିଥିବା ଦେଖିବାବୁ ମିଳିଛି। ସତେଯେମିତି ରାସ୍ତାକଡ଼ ହିଁ ସ୍ୱର୍ଗଦ୍ୱାର ପାଲଟିଛି। ପ୍ରଶ୍ନ ଉଠୁଛି ଏତେ ମଣିଷଙ୍କ ଶବ ଏଠିକୁ କେଉଁଠୁ ଆସିଲା? କିଏ ଏମିତି ଫିଙ୍ଗିଛି ଏମାନଙ୍କୁ?</p> <p>ଅନୁସନ୍ଧାନରୁ ଅବାକ୍ ହେଲା ଭଳି ସତ ଜଣାପଡ଼ିଲା। ଏ କାମ କୁଆଡ଼େ ଖୋଦ୍ ରେଲେଓ୍ୱ ପୋଲିସ ହିଁ ହେଉଛି। କାହିଁ କେତେଦିନୁ ରେଲେଓ୍ୱ ପୋଲିସ୍ ଏଇ ଶ୍ମସାନ ଯାଗାକୁ କରି ଦେଇଛି ମଲା ମଣିଷଙ୍କ ଡମ୍ପିଂ ୟାର୍ଡ। ଦୁର୍ଘଟଣାରେ ମୃତ ଶରୀର ଚିହ୍ନଟ ହୋଇ ନପାରିଲେ ରେଳବାଇ ପୋଲିସ୍ ଏଇଠି ଏମିତି ଭାବେ ଫିଙ୍ଗି ଦେଉଥିବା ଅଭିଯୋଗ ହେଉଛି । କହୁ କହୁ ବଲାଙ୍ଗିର ଜିଆରପିର ଜଣେ କର୍ମଚାରୀ ବି କହିଛନ୍ତି, ମୃତଦେହ ସବୁ ଏଇଠିକୁ ଆସେ।</p> <p>ସୂଚନା ଅନୁଯାୟୀ, ବିଭିନ୍ନ ଘଟଣା, ଦୁର୍ଘଟଣାରୁ ଅନେକ ସମୟରେ ଅଚିହ୍ନା ମୃତଦେହକୁ ଜବତ କରେ ରେଲେଓ୍ୱ ପୋଲିସ୍ । ନିୟମ ମୁତାବକ ବ୍ୟବଚ୍ଛେଦ ପରେ ଚିହ୍ନଟ ପାଇଁ ଶବକୁ ୯୬ ଘଣ୍ଟା ପର୍ଯ୍ୟନ୍ତ ସଂରକ୍ଷଣ କରି ରଖାଯାଏ । କେହି ଦାବିଦାର ନ ଆସିଲେ, ଶବକୁ ସମ୍ମାନର ସହ ସତ୍କାର କରିବା ରେଲେଓ୍ୱ ପୋଲିସର ଦାୟିତ୍ୱ। ଏଥିପାଇଁ ଅର୍ଥର ମଧ୍ୟ ବ୍ୟବସ୍ଥା ଅଛି । ହେଲେ ଦାହ ସଂସ୍କାର ନହେଲେ ନାଇଁ ଅତି କମ୍‌ରେ ଶବକୁ ଗାତ ଖୋଳି ଭଲଭାବେ ପୋତିବା ପରିରର୍ତ୍ତେ ଅମାନବିକ ଭାବେ ଏଠି ଫିଙ୍ଗାଚାଲିଛି। ଏଭଳି ଆଚରଣକୁ ମାନବାଧିକାର ଉଲ୍ଲଂଘନ କହି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ମାନବାଧିକାର କର୍ମୀ। ହେଲେ ଏନେଇ ପ୍ରତିକ୍ରିୟା ଦେବାକୁ ମନା କରିଦେଇଛି ବଲାଙ୍ଗିର ଜିଆରପି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
