ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଅନୁଗୋଳ(ବିରଜା ପ୍ରସାଦ ଦାଶ): ଅନୁଗୋଳ ଜିଲ୍ଲା ସାତକୋଶିଆରେ ଏନ୍‌କ୍ଲୋଜରରେ ଥିବା ବାଘୁଣୀ ‘ସୁନ୍ଦରୀ’କୁ ମୁକ୍ତ କରାଯାଇଛି। ତାକୁ ସାତକୋଶିଆର ଘଞ୍ଚ ଜଙ୍ଗଲରେ ଛଡ଼ାଯାଇଛି।</p> <p>ପିସିସିଏଫ୍ ଓ ଅତିରିକ୍ତ ପିସିସିଏଫ୍ ଏବଂ ବନ ବିଭାଗ କର୍ମଚାରୀଙ୍କ ଉପସ୍ଥିତିରେ ସୁନ୍ଦରୀକୁ ଗତକାଲି ଅପରାହ୍ନରେ ଏନ୍‌କ୍ଲୋଜର୍‌ରୁ ମୁକ୍ତ କରାଯାଇଥିଲା।</p> <p>ଗତ ଜୁନ୍‌ ୨୧ ତାରିଖରେ ମଧ୍ୟପ୍ରଦେଶର କାହ୍ନା ବ୍ୟାଘ୍ର ପ୍ରକଳ୍ପରୁ ଏକ ଅଣ୍ଡିରା ମହାବଳ ବାଘକୁ ଅଣାଯାଇ ସାତକୋଶିଆର ରାଇଗୋଡ଼ା ରେଞ୍ଜରେ ନିର୍ମିତ ସ୍ୱତନ୍ତ୍ର ଏନ୍‌କ୍ଲୋଜରରେ ରଖାଯାଇଥିଲା।</p> <p>(image) </p> <p>ଜୁନ୍ ୨୮ ତାରିଖରେ ‘ସୁନ୍ଦରୀ’କୁ ମଧ୍ୟପ୍ରଦେଶରୁ ବାନ୍ଧବଗଡ଼ ବ୍ୟାଘ୍ର ପ୍ରକଳ୍ପରୁ ଅଣାଯାଇଥିଲା। ତାକୁ ମଧ୍ୟ ଏନ୍‌କ୍ଲୋଜର୍‌ରେ ରଖାଯାଇଥିଲା।</p> <p>ସେମାନଙ୍କ ଉପରେ ସ୍ୱତନ୍ତ୍ର ଭାବେ ନଜର ରଖାଯାଇଥିଲା। ପରିବେଶ ସହ ଖାପଖୁଆଇ ଚଳି ପାରିବ ବୋଲି ବନ ବିଭାଗ ଅନୁଭବ କରିବା ପରେ ଅଣ୍ଡିରା ମହାବଳ ବାଘକୁ ଜୁଲାଇ ୬ ତାରିଖରେ ସାତକୋଶିଆ ଜଙ୍ଗଲରେ ଛାଡ଼ିଥିଲା। ଆଉ ଗତକାଲି ସୁନ୍ଦରୀକୁ ମୁକ୍ତ କରାଯାଇଛି।</p> <p>୩ଟି ପର୍ଯ୍ୟାୟରେ ତିନି ଯୋଡ଼ା ବାଘ ସାତକୋଶିଆ ଜଙ୍ଗଲରେ ଛାଡ଼ିବାକୁ ନିଷ୍ପତ୍ତି ହୋଇଛି। ସେହି କ୍ରମରେ ସାତକୋଶିଆ ଜଙ୍ଗଲରେ ପ୍ରଥମ ଯୋଡ଼ା ବାଘ-ବାଘୁଣୀ ଛଡ଼ା ଯାଇଛି।</p> <p>https://youtu.be/3fIXJpRnzCU</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
