ବନୀକରଣ ପାଇଁ ଜଙ୍ଗଲ ବିଭାଗ-ଓଏମସି ଚୁକ୍ତି ସ୍ୱାକ୍ଷରିତ

ଭୁବନେଶ୍ୱର: ରାଜ୍ୟରେ ବନୀକରଣ ପାଇଁ ଜଙ୍ଗଲ ବିଭାଗ ଏବଂ ଓଡ଼ିଶା ମାଇନିଂ କର୍ପୋରେସନ ମଧ୍ୟରେ ଏମଓୟୁ ସ୍ୱାକ୍ଷରିତ ହୋଇଛି। ୨୦୧୫-୧୬ ଆର୍ଥିକବର୍ଷରେ ୧୦ଲକ୍ଷ ଚାରା ରୋପଣ ପାଇଁ ନିଷ୍ପତ୍ତି ହୋଇଛି। ଏହି ଚାରା ରାଜ୍ୟର ୪ଟି ଜିଲ୍ଲା ସୁନ୍ଦରଗଡ଼, କେନ୍ଦୁଝର, ଯାଜପୁର ଓ କଳାହାଣ୍ଡି ଜିଲ୍ଲାର ଖଣି ପରିପାର୍ଶ୍ୱରେ ବନିକରଣ କରାଯିବ। ଏଥିପାଇଁ ଖର୍ଚ୍ଚ ହେବାକୁ ଥିବା ୧.୩୮କୋଟି ଟଙ୍କ। ଓଏମସି ଜଙ୍ଗଲ ବିଭାଗକୁ ପ୍ରଦାନ କରିବ। ରକ୍ଷାଣବେକ୍ଷଣ ପାଇଁ ଖର୍ଚ୍ଚ ୨.୭୪ କୋଟିଙ୍କ। ମଧ୍ୟ ଓଏମସି ବହନ କରିବ । ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମକେଶରୀ ଆରୁଖ, ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ ମଲ୍ଲିକଙ୍କ ଉପସ୍ଥିତରେ ଏହି ଏମଓୟୁ ସ୍ୱାକ୍ଷର ହୋଇଥିଲା ।