ପ୍ରସ୍ତୁତ ହୋଇଯାଆନ୍ତୁ ଚାକିରିଆ ବାବୁ: ଡେରି ହୋଇପାରେ ଦରମା

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବ୍ୟାଙ୍କ ଧର୍ମଘଟର ଆଜି ଥିଲା ଦ୍ୱିତୀୟ ଦିନ। ଯାହାଫଳରେ ନାକେଦମ ହୋଇଛନ୍ତି ସାଧାରଣ ଉପଭୋକ୍ତା ଓ ବେତନଭୋଗୀ କର୍ମଚାରୀ। ବ୍ୟାଙ୍କସେବା ବନ୍ଦ ଯୋଗୁ ଟଙ୍କା ଦେଣନେଣ ଏକ ପ୍ରକାର ଠପ୍ ହୋଇଯାଇଛି। ତା&rsquo;ସହ ଦରମା ମିଳିବାରେ ବିଳମ୍ବ ହେବା ନେଇ ଆଶଙ୍କା ସୃଷ୍ଟି ହୋଇଛି। ସାଧାରଣତଃ ୩୧ ତାରିଖ ସୁଦ୍ଧା ଅଧିକାଂଶ କର୍ମଚାରୀ ଓ ପେନସନଭୋଗୀଙ୍କ ଆକାଉଣ୍ଟରେ ଟଙ୍କା ପହଞ୍ଚିଯାଇଥାଏ। କିନ୍ତୁ ୩୦ ଓ ୩୧ ତାରିଖ ଦୁଇ ଦିନ ଧରି ରାଷ୍ଟ୍ରାୟତ୍ତ ବ୍ୟାଙ୍କ କର୍ମଚାରୀ ଆନ୍ଦୋଳନ କରି ଅନଲାଇନ ସେବା ବ୍ୟତୀତ ଅନ୍ୟାନ୍ୟ ସେବାରୁ ନିବୃତ୍ତ ରହିଛନ୍ତି।</p><p>&lt;a href=&quot;&quot;&gt;(image) &lt;/a&gt;ଦେଶବ୍ୟାପୀ ରାଷ୍ଟ୍ରାୟତ୍ତ ବ୍ୟାଙ୍କ ଧର୍ମଘଟ ଯୋଗୁଁ ରାଜ୍ୟବ୍ୟାପୀ ୫୦୦୦ ଶାଖାରେ ତାଲା ପଡ଼ିଛି। ୮୦୦୦ରୁ ଅଧିକ ଏଟିଏମ୍&zwnj; ଅଚଳ ହୋଇପଡ଼ିଛି। ଦୁଇ ଦିନର ବ୍ୟାଙ୍କ ଆନ୍ଦୋଳନରେ ରାଜ୍ୟରେ ୮୦୦୦ କୋଟି ଟଙ୍କାର ବ୍ୟାବସାୟିକ କାରବାର ଠପ୍ ହୋଇଯାଇଛି। ଭୁବନେଶ୍ୱର, କଟକ, ବାଲେଶ୍ୱର, ବ୍ରହ୍ମପୁର, ସମ୍ବଲପୁର, ବଲାଙ୍ଗିର, ରାଉରକେଲାରେ ଗତକାଲି ଭଳି ଆଜି ବି କେଉଁଠି ବ୍ୟାଙ୍କ ଆଗରେ ବିକ୍ଷୋଭ ସହ ନାରାବାଜି ତ ଆଉ କେଉଁଠି ଏଟିଏମ୍&zwnj;ରେ ତାଲା ପଡ଼ିଥିବା ଦେଖିବାକୁ ମିଳିଥିଲା। କେବଳ ଏଟିଏମ୍ ସେବା ନୁହେଁ, ଜମା ଗ୍ରହଣ, ଋଣ ମଞ୍ଜୁରୀ ଓ ଚେକ କ୍ଲିୟରାନ୍ସ ମଧ୍ୟ ହୋଇପାରିନାହିଁ। ଫଳରେ ଗତ ଦୁଇ ଦିନ ଧରି ନାହିଁନଥିବା ହୀନସ୍ତା ହୋଇଛନ୍ତି ବ୍ୟାଙ୍କ ଉପଭୋକ୍ତା ା</p><p>&lt;a href=&quot;http://odishareporter.in/wp-content/uploads/2018/05/bank-stric-2nd-day-in-all-over-india12.jpg&quot;&gt;(image) &lt;/a&gt;ମାସ ଶେଷ ଆଡକୁ ବ୍ୟାଙ୍କ କର୍ମଚାରୀଙ୍କ ଏଭଳି ଆନ୍ଦୋଳନ ଯୋଗୁ ଚିନ୍ତାରେ ପଡ଼ିଯାଇଛନ୍ତି ସରକାରୀ ବେତନଭୋଗୀ କର୍ମଚାରୀ, ପେନସନଭୋଗୀ ଓ ଘରୋଇ କର୍ମଚାରୀ। କାରଣ ଗତକାଲି ଓ ଆଜି ଦୁଇ ଦିନ ଧରି ଠପ୍ ହୋଇଯାଇଥିଲା ବ୍ୟାକିଂ ସେବା। ତେଣୁ ଚଳିତ ମାସର ଦରମା ମିଳିବାରେ ବିଳମ୍ବ ହେବା ସୁନିଶ୍ଚିତ।</p><p>୨ ପ୍ରତିଶତ ପ୍ରସ୍ତାବିତ ଦରମା ବୃଦ୍ଧି ନିଷ୍ପତ୍ତିକୁ ବିରୋଧ ତଥା ଅନ୍ୟାନ୍ୟ ଦାବିରେ ଗତକାଲିଠୁ ଦୁଇ ଦିନିଆ ଆନ୍ଦୋଳନକୁ ଓହ୍ଲାଇଥିଲେ। ସମସ୍ତ ରାଷ୍ଟ୍ରାୟତ ବ୍ୟାଙ୍କର କର୍ମଚାରୀ ଦେଶବ୍ୟାପୀ ପ୍ରାୟ ୨୧ରୁ ଅଧିକ ବ୍ୟାଙ୍କର ୧୦ ଲକ୍ଷରୁ ଅଧିକ କର୍ମଚାରୀ ଆନ୍ଦୋଳନରେ ସାମିଲ ହୋଇଥିଲେ। ଆସନ୍ତାକାଲିଠୁ ବ୍ୟାଙ୍କ ଖୋଲିଲେ ସ୍ଥିତି ସୁଧୁରିବ ବୋଲି ଆଶା କରାଯାଉଛି।</p><p>https://youtu.be/ezpIYO-HQoI</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।