ବରଗଡ଼: ସମ୍ୱର ଶିଙ୍ଘ ଚୋରାଚାଲାଣ ରାକେଟର ପର୍ଦ୍ଦାଫାଶ

ବରଗଡ:  ବରଗଡ଼ ଅଞ୍ଚଳରେ ସମ୍ୱର ଶିଙ୍ଘ ଚୋରାଚାଲାଣ ରାକେଟର ଜିଲ୍ଲା ପୋଲିସ ପର୍ଦ୍ଦାଫାଶ କରିଛି । ଜିଲ୍ଲା ପୋଲିସ ବାରପାହାଡ଼ ପାଦଦେଶ ଡେବ୍ରିଗଡ଼ ଅଭୟାରଣ୍ୟରୁ ଚୋରାଚାଲାଣ ହେଉଥିବାବେଳେ ୨୧ଟି ସମ୍ୱର ଶିଙ୍ଘକୁ ଜବତ କରିଛି। ଏହି ଘଟଣାରେ ପୋଲିସ ପକ୍ଷରୁ ୪ଜଣଙ୍କୁ ଗିରଫ କରାଯାଇଛି ବୋଲି ଏସିପି ଆଶିଷ କୁମାର ସିଂ ଏକ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି । ଗିରଫ ଅଭିଯୁକ୍ତମାନେ ହେଲେ ପ୍ରବୀର ସାହୁ, ବିଦ୍ୟାଧର ଗୌର, ଟିକେଶ୍ୱର କୋଡ଼ାକୁ ଏବଂ ଶ୍ରୀମତ ପ୍ରଧାନ। ଏହି ୪ଜଣଙ୍କ ମଧ୍ୟରୁ ୨ଜଣ ହେଉଛନ୍ତି ଛତିଶଗଡ଼ ସରିଆର ଏବଂ ଅନ୍ୟ ଦୁଇଜଣ ବରଗଡ଼ ଜିଲ୍ଲା ଅମ୍ୱାଭୋନାର । ଗତ ୪ ତାରିଖରେ ଡେବ୍ରିଗଡ଼ ଅଭୟାରଣ୍ୟରୁ ୨ଜଣ ଶିକାରୀଙ୍କୁ ବନବିଭାଗ ଗିରଫ କରିଥିଲା।