ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପୁଣି ସ୍ୱପ୍ନ ଦେଇଲେ ରାଜ୍ୟ ସରକାର। ସ୍ମାର୍ଟସିଟି ଭୁବନେଶ୍ୱର ବରମୁଣ୍ଡା ବସ୍‌ଷ୍ଟାଣ୍ଡ ହେବ ହାଇଟେକ୍‌। ଏଠାକୁ ଆସିବ ବାହାର ରାଜ୍ୟର ବସ୍‌। ସେଥିପାଇଁ ବସ୍‌ଷ୍ଟାଣ୍ଡର ଉନ୍ନତି କରଣ କରାଯିବ। ଜୁନ୍‌ରେ ହେବ ଏମ୍‌ଓୟୁ। ଏନେଇ ସୂଚନା ଦେଇଛନ୍ତି ବିଡିଏ ଉପାଧ୍ୟକ୍ଷ ଡଃ କ୍ରିଷ୍ଣନ୍ କୁମାର। ପ୍ରକୃତରେ ଏଥର ବରମୁଣ୍ଡା ବସ୍‌ଷ୍ଟାଣ୍ଡର ଉନ୍ନତି କରଣ ହେବ ନା ପୂର୍ବପରି ଶୀତଳଭଣ୍ଡାରକୁ ଚାଲିଯିବ, ତାହା ଭବିଷ୍ୟତରେ ଜଣାପଡ଼ିବ। ପୂର୍ବରୁ ଦୁଇ ଥର ବସ୍‌ଷ୍ଟାଣ୍ଡର ଉନ୍ନତିକରଣ ପାଇଁ ଏମ୍‌ଓୟୁ ସ୍ୱାକ୍ଷର ହୋଇଥିଲା। ହେଲେ ପରବର୍ତ୍ତୀ ସମୟରେ କାମ ଆରମ୍ଭ ହୋଇପାରିନଥିଲା।</p> <p>ପିପିପି ମୋଡ୍‌ରେ ବରମୁଣ୍ଡା ବସ୍‌ଷ୍ଟାଣ୍ଡର ଉନ୍ନତିକରଣ ପାଇଁ ୨୦୧୦ ଅଗଷ୍ଟରେ ରାଜ୍ୟ ସରକାର ଏଆର୍‌ଏସ୍‌ଏସ୍‌ ସହିତ ଏମ୍‌ଓୟୁ ସ୍ୱାକ୍ଷର କରିଥିଲେ। ମାତ୍ର ପରବର୍ତ୍ତୀ ସମୟରେ ଅର୍ଥାତ ୨୦୧୨ ମସିହାରେ ହାଇକୋର୍ଟ ଏମ୍‌ଓୟୁକୁ ରଦ୍ଦ କରିଥିଲେ। ପରେ ରାଜ୍ୟ ସରକର ବସ୍‌ଷ୍ଟାଣ୍ଡର ଉନ୍ନତିକରଣ ପାଇଁ ନିଜେ ନିଷ୍ପତ୍ତି ନେଇଥିଲେ। ତା’ପରେ ରାଜ୍ୟ ସରକାରଙ୍କ ବରିଷ୍ଠ ଅଧିକାରୀମାନେ ବସ୍‌ଷ୍ଟାଣ୍ଡର ସ୍ଥିତି ଅନୁଧ୍ୟାନ କରି ଡିପିଆର୍‌ ପ୍ରସ୍ତୁତ କରି ସେହି ସମୟର ପରିବହନ ମନ୍ତ୍ରୀ ରମେଶ ମାଝିଙ୍କୁ ପ୍ରଦାନ କରିଥିଲେ। ଏହା ପୂର୍ବରୁ ମଧ୍ୟ ଥରେ ବରମୁଣ୍ଡାର ବସ୍‌ଷ୍ଟାଣ୍ଡର ଉନ୍ନତିକରଣ ପାଇଁ ଏମ୍‌ଓୟୁ ସ୍ୱାକ୍ଷର ହୋଇଥିଲା। ହେଲେ କାମ ଆରମ୍ଭ ହୋଇପାରିନଥିଲା।</p> <p>ଭୁନେଶ୍ୱରକୁ ସ୍ମାର୍ଟ ସିଟିର ମାନ୍ୟତା ମିଳିବା ପରେ ବରମୁଣ୍ଡା ବସ୍‌ଷ୍ଟାଣ୍ଡକୁ ହାଇଟେକ୍‌ କରିବା ପାଇଁ ଯୋଜନା ଚାଲିଛି। ଏହା ପ୍ରକୃତରେ କାର୍ଯ୍ୟକାରୀ ହେବ କି ନାହିଁ ଜଣାପଡ଼ି ନାହିଁ। ଆଜି ସଚିବାଳୟରେ ବସିଥିବା ବୈଠକରେ ନିଷ୍ପତ୍ତି ଅନୁସାରେ ପିପିପି ମୋଡ୍‌ରେ ହେବ ଭୁବନେଶ୍ୱର ବରମୁଣ୍ଡା ବସ୍‌ଷ୍ଟାଣ୍ଡର ଉନ୍ନତୀକରଣ। ଆସନ୍ତା ଜୁନ ଶେଷସୁଦ୍ଧା ରାଜିନାମା ସ୍ୱାକ୍ଷର କରାଯିବ। ଏଥିପାଇଁ ପ୍ରାୟ ୧୮୫ କୋଟି ଟଙ୍କାର ବ୍ୟୟବରାଦ କରାଯାଇଛି। ଏହାର ମରାମତି କାମ ଚାଲିଥିବା ବେଳେ ବସ୍‌ ଗୁଡ଼ିକ ଏହିଠାରୁ ଯାତ୍ରୀ ପରିବହନ କରିବେ। ମାତ୍ର ରାତ୍ରି ରହଣି ପାଇଁ ଖଣ୍ଡଗିରି ପାହାଡ଼ ପାଦଦେଶରେ ଏକ ଅସ୍ଥାୟୀ ଷ୍ଟାଣ୍ଡ ନିର୍ମାଣ କରାଯାଇଛି। କାମ ଆରମ୍ଭ ହେବାର ୧୫ ମାସ ମଧ୍ୟରେ ସାରିବାକୁ ନିଷ୍ପତ୍ତି ନିଆଯାଇଛି। ଏନେଇ ସୂଚନା ଦେଇଛନ୍ତି ବିଡିଏ ଉପାଧ୍ୟକ୍ଷ ଡଃ କ୍ରିଷ୍ଣନ୍ କୁମାର କହିଛନ୍ତି।</p> <p><span style="color: #ff0000;">ଗୋପାଳପୁରରେ ଆନ୍ତଃରାଜ୍ୟ ବସ୍‌ ଟର୍ମିନାଲ</span></p> <p>ଗୋପାଳପୁରରେ ଆନ୍ତଃରାଜ୍ୟ ବସ୍‌ଟର୍ମିନାଲ ନିର୍ମାଣ କରାଯିବ। ଏଥିପାଇଁ ୪୦ ଏକର ଜମି ଅଧିଗ୍ରହଣ ଶେଷ ହୋଇଛି। ଆସନ୍ତା ୪ରୁ ୫ ଦିନ ମଧ୍ୟରେ ଏହାର ଶିଳାନ୍ୟାସ କରାଯିବ। ଏଥିପାଇଁ ୫୦୦ କୋଟି ଟଙ୍କାର ବ୍ୟୟ ଅଟକଳ କରାଯାଇଛି। ପ୍ରାରମ୍ଭିକ ପର୍ଯ୍ୟାୟରେ ତିନି କୋଟି ଟଙ୍କା ବ୍ୟୟରେ ବସ୍‌ଷ୍ଟାଣ୍ଡର ପାଚେରୀ ନିର୍ମାଣ କରାଯିବ। ଏଠାରେ ଡ୍ରାଇଭର ତଥା ଯାତ୍ରୀମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା ରହିଛି। ଷ୍ଟାଣ୍ଡ ଭିତରେ ଦୋକାନବଜାର ମଧ୍ୟ ରହିବ। ଏହି ବସଷ୍ଟାଣ୍ଡର ନିର୍ମାଣ କାର୍ଯ୍ୟ ଶେଷ ହେଲେ ପ୍ରାୟ ଏକ ହଜାର ବସ୍ ଏଠାରୁ ଯାତାୟାତ କରିବ ବୋଲି ମନ୍ତ୍ରୀ ନୃସିଂହ ଚରଣ ସାହୁ କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
