ବରଗଡ଼କୁ ଫେରିଛନ୍ତି ମାଓବାଦୀ; କ୍ୟାମ୍ପ୍ ଠାବ, ଟିଫିନ୍‌ବୋମା ଜବତ

<p>ବରଗଡ଼: ବରଗଡ଼ ଜିଲ୍ଲାରେ ଲାଲବାହିନୀ ସକ୍ରିୟ ଥିବା ପୁଣି ଥରେ ପ୍ରମାଣିତ ହୋଇଛି। ଜିଲ୍ଲାର ପାଇକମାଲ ଗନ୍ଧମାର୍ଦ୍ଧନ ପାହାଡ଼ ଉପରେ କ୍ୟାମ୍ପ କରି ମାଓବାଦୀମାନେ ରହୁଥିବାବେଳେ ବରଗଡ ପୋଲିସ ଏହି କ୍ୟାମ୍ପକୁ ଠାବ କରିଛି। ଏସ୍&zwnj;ପି ବି.ଜୁଗଲକିଶୋରଙ୍କ ନିର୍ଦ୍ଦେଶରେ ଏହି ପାହାଡ଼ରେ କମ୍ବିଂ ଅପରେସନ କରାଯାଇଥିଲା। ଏହି ସମୟରେ ଗନ୍ଧମାର୍ଦ୍ଧନ ପାହାଡ଼ର ମର୍ଯ୍ୟାଦାପାଲି ଗାଁ ନିକଟରେ ଥିବା କ୍ୟାମ୍ପକୁ ଠାବ କରିବା ସହ ସେଠାରୁ ବିପୁଳ ପରିମାଣର ମାଓସାମଗ୍ରୀ ଜବତ କରାଯାଇଛି। ଟିିଫିନ୍&zwnj;ବୋମା, ହାତବୋମା, ଗନ୍ ପାଉଡର, ବିଦ୍ୟୁତ୍&zwnj; ତାର, କିଛି କେମିକାଲ୍, ମାଓ ପୁସ୍ତିକା, ପୋଷାକ ଓ ପୋଷ୍ଟର ସହ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି।</p> <p>ଡିଭିଏଫ୍&zwnj; ଓ ସିଆର୍&zwnj;ପିଏଫ୍&zwnj;&nbsp;ଟିମ୍ ଏସବୁ ସାମଗ୍ରୀକୁ ଜବତ କରିଛନ୍ତି। ତେବେ ଘଟଣାସ୍ଥଳରୁ ମାଓବାଦୀମାନେ ଛତ୍ରଭଙ୍ଗ ଦେଇଥିବା ଜଣାପଡ଼ିଛି। ପଡ଼ୋଶୀ ଛତିଶଗଡ଼ର ସୁକ୍&zwnj;ମା ଅଞ୍ଚଳରେ ବ୍ୟାପକ କମ୍ବିଂ ଚାଲିଥିବାରୁୂ ମାଓବାଦୀମାନେ ଗନ୍ଧମାର୍ଦ୍ଧନ ପାହାଡ଼କୁ ଖସି ଅାସିଥିବା ଅନୁମାନ କରାଯାଉଛି। ତେବେ କମ୍ବିଂକୁ ଜୋରଦାର କରାଯିବ ବୋଲି କହିଛନ୍ତି ପଦ୍ମପୁର ଏସ୍&zwnj;ଡିପିଓ।</p>