ଲୋକସଭା ସାଂସଦଙ୍କୁ ସମ୍ବଲପୁରୀ ମାସ୍କ ବାଣ୍ଟିଲେ ସୁରେଶ ପୂଜାରୀ

ଭୁବନେଶ୍ୱର (ଓଡ଼ିଶା ରିପୋର୍ଟର): ଲୋକସଭା ସଦନରେ ସାଂସଦମାନଙ୍କୁ ସମ୍ବଲପୁରୀ ମାସ୍କ ବାଣ୍ଟିଲେ ବରଗଡ଼ ସାଂସଦ ସୁରେଶ ପୂଜାରୀ। ଏନେଇ ସେ ଟ୍ୱିଟ୍ କରି ସୂଚନା ଦେଇଛନ୍ତି।

ସାଂସଦ ଶ୍ରୀ ପୂଜାରୀ ଏଥିରେ ଲେଖିଛନ୍ତି ଯେ ବୟନିକା ନିର୍ଦ୍ଦେଶକ ସଞ୍ଜୟ ମେହେରଙ୍କ ଦ୍ୱାରା ତିଆରି ସମ୍ବଲପୁରୀ ମାସ୍କଗୁଡ଼ିକୁ ସେ ଲୋକସଭା ସାଂସଦଙ୍କୁ ଉପହାର ଆକାରରେ ଦେଇଛନ୍ତି।


ସେ ଆହୁରି ଲେଖିଛନ୍ତି, ଆମ ଅଞ୍ଚଳର ପାରମ୍ପାରିକ ହସ୍ତତନ୍ତ ସାମଗ୍ରୀକୁ ଭାରତ ବର୍ଷର ସର୍ବଶ୍ରେଷ୍ଠ ପଞ୍ଚାୟତରେ ପ୍ରଚାର କରି ଭାରତର କୋଣ ଅନୁକୋଣରେ ପହଞ୍ଚାଇବା ପାଇଁ ଏକ ଛୋଟ ପ୍ରୟାସ।


ସାଂସଦମାନେ ସମ୍ବଲପୁରୀ ମାସ୍କକୁ ବେଶ୍ ପସନ୍ଦ କରିଛନ୍ତି। ସାଂସଦ ସୁପ୍ରିୟା ସୁଲେ ସମ୍ବଲପୁରୀ ମାସ୍କ ପିନ୍ଧା ଫଟୋ ଟ୍ୱିଟ୍ କରିବା ସହିତ ଏଥିପାଇଁ ସାଂସଦ ଶ୍ରୀ ପୂଜାରୀଙ୍କୁ ଧନ୍ୟବାଦ ଜଣାଇଛନ୍ତି।