ବିଜେପି ରାଜ୍ୟ ଯୁବମୋର୍ଚ୍ଚା ସାଧାରଣ ସମ୍ପାଦକ ଗିରଫ

ବରଗଡ଼ (ଓଡ଼ିଶା ରିପୋର୍ଟର): ବରଗଡ଼ ଜିଲ୍ଲା ଭଟଲିରେ ଗତ ଜୁନ୍ ୧ ତାରିଖରେ ଘଟିଥିବା ଗୁଳିକାଣ୍ଡ ଘଟଣାରେ ବିଜେପି ରାଜ୍ୟ ଯୁବମୋର୍ଚ୍ଚା ସାଧାରଣ ସମ୍ପାଦକ ଇରାଶିଷ ଆଚାର୍ଯ୍ୟଙ୍କୁ ପୁଲିସ୍‌ ଗିରଫ କରିଛି। ବରଗଡ଼ ଏସ୍‌ପି ମୁକେଶ ଭାମୁଙ୍କ ନିର୍ଦ୍ଦେଶ ଅନୁସାରେ ବରଗଡ଼ ଟାଉନ୍‌ ଥାନା ପୁଲିସ୍‌ ଇରାଶିଷଙ୍କୁ ପଚରାଉଚରା କରିବାକୁ ଡାକିଥିଲା। ପଚରାଉଚରା ପରେ ତାଙ୍କୁ ଗିରଫ କରାଯାଇଛି।ଗତ ଜୁନ୍‌ ପହିଲାରେ ବିଜେପି କାର୍ଯ୍ୟାଳୟ ତଥା ଇରାଶିଷ ଆଚାର୍ଯ୍ୟଙ୍କ ଘରେ ଗୁଳିକାଣ୍ଡ ଘଟିଥିଲା। ଏଥିରେ ସୋହେଲା ଥାନା ଚମାରପଡ଼ାର ବୁଲୁ ସତନାମୀ ନାମକ ଯୁବକଙ୍କ ମୁଣ୍ଡରେ ଗୁଳି ବାଜିଥିଲା ଓ ତାଙ୍କର ମତ୍ୟୁ ଘଟିଥିଲା। ଘଟଣାସ୍ଥଳରୁ ଗୋଟିଏ ବନ୍ଧୁକ ଓ ଖୋକା ଜବତ କରାଯାଇଥିଲା।