ବରଗଡ଼(ଦୀପକ ଶର୍ମା): ଗତ ୧୫ ଦିନ ହେଲା ବରଗଡ଼ ଟାଉନ୍ରେ ଉତ୍ପାତ କରୁଥିଲେ ଚୋର। ରାସ୍ତାରେ ଯାଉଥିବା ମହିଳାଙ୍କ ବେକରୁ କେତେବେଳେ ସୁନା ଚେନ୍ ଝାମ୍ପି ନେଉଥିଲେ ତ ଆଉ କେତେବେଳେ ମାରଣାସ୍ତ୍ର ଦେଖାଇ ଗାଡ଼ି ଲୁଟି ନେଉଥିଲେ। ଆଜି ଏହି ଗ୍ୟାଙ୍କର ପର୍ଦ୍ଦାଫାସ କରିଛି ପୁଲିସ। ୫ ଚୋରଙ୍କୁ ଗିରଫ କରିବା ସହିତ ଚୋରି ସାମଗ୍ରୀ ଜବତ କରିଛି।
ଲୁଟ୍ ନେଇ ବରଗଡ଼ ଟାଉନ୍ ଥାନାରେ ଅଭିଯୋଗ ହୋଇଥିଲା। ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା। ଆଜି ସେହି ଗ୍ୟାଙ୍ଗକୁ ଧରିବାରେ ସଫଳ ହୋଇଛି। ପୁଲିସ ୫ ଚୋରଙ୍କୁ ଧରିବା ସହିତ ସେମାନଙ୍କଠାରୁ ୪ଟି ଚାରି ଚକିଆ ଗାଡ଼ି, ୨ଟି ମୋଟର ସାଇକେଲ୍, ସାଇକେଲ୍, ୧୮ଟି ମୋବାଇଲ୍, ସୁନା ଚେନ, ୪୮୦୦ ଟଙ୍କା ଓ ଦୁଇଟି ଛୁରି ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ମାଗଶିର ମହାନନ୍ଦ, ରାଜା ହାତୀ, କିଶୋର ମେହେର, ରୋହିତ ମେହେର ଓ ବିଜେ ବାଗ୍। ଏମାନଙ୍କ ନାଁରେ ଟାଉନ୍ ଥାନା, ବୁର୍ଲା, ଅତାବିରା ଥାନାରେ ମାମଲା ରହିଛି। ଏନେଇ ବରଗଡ଼ ଏସ୍ପି ପଦ୍ମିନୀ ସାହୁ ଗଣମାଧ୍ୟମକୁ ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
