ମୁହଁରେ କଳାକପଡ଼ା, ବେକରେ ଫାଶି ଦଉଡ଼ି…

<p>ଭୁବନେଶ୍ୱର: ବିଭିନ୍ନ ଦାବିରେ ଭୁବନେଶ୍ୱର ଲୋୟର ପିଏମଜିରେ ଓଡ଼ିଶା କଳା ଓ କ୍ରୀଡା ଶିକ୍ଷକ ମହାସଂଘ ଅଭିନବ ଉପାୟରେ ବିକ୍ଷୋଭ କରିଛି।&nbsp; ବେକରେ ଫାଶିର ଦଉଡି ଝୁଲାଇ ଓ ମୁଣ୍ଡରେ କଳା କପଡ଼ା ପିନ୍ଧି ଶିକ୍ଷକମାନେ ପ୍ରତିବାଦ କରିଛନ୍ତି। ଯେପରି ଜଣେ ଅଭିଯୁକ୍ତଙ୍କୁ ଫାଶି ଦିଆଯାଇଥାଏ। &nbsp;ଶିକ୍ଷକଙ୍କର ଏପରି ଅଭିନବ ଉପାୟରେ ବିକ୍ଷୋଭ କରିବା ଶୈଳୀ ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି। ବାଟରେ ଯାଉଥିବା ପଥଚାରୀ ମଧ୍ୟ ଏହି ଦୃଶ୍ୟକୁ କିଛି ସମୟ ଠିଆ ହୋଇ ଦେଖୁଛନ୍ତି।</p> <p>ରାଜ୍ୟରେ ଉଚ୍ଚ ପ୍ରାଥମିକ ବିଦ୍ୟାଳୟଗୁଡ଼ିକରେ ନିଯୁକ୍ତି ପାଇଥିବା ସମସ୍ତ ପାର୍ଟ ଟାଇମ୍ ଇନଷ୍ଟ୍ରରମାନଙ୍କୁ ପୂର୍ଣ୍ଣ ଶିକ୍ଷକଙ୍କ ମାନ୍ୟତା ପ୍ରଦାନ, ଚାକିରିରେ ସର୍ତ୍ତାବଳୀ ଲାଗୁ, କ୍ରୀଡା ଶିକ୍ଷକଙ୍କ ଲାଗି ପାଠ୍ୟ ଖସଡା ଓ ଅଣ ତାଲିମପ୍ରାପ୍ତ କ୍ରୀଡା ଶିକ୍ଷକମାନଙ୍କୁ ତାଲିମ ଦେବାର ବ୍ୟବସ୍ଥା ଆଦି ଦାବି କରିଛି ସଂଘ।</p> <p>ଆନ୍ଦୋଳନକାରୀ ଶିକ୍ଷକ କହିଛନ୍ତି- &ldquo;ଆମେ ୧୦ ଦିନ ଧରି ଆନ୍ଦୋଳନ କରିଆସୁଛୁ। ଏପର୍ଯ୍ୟନ୍ତ ସରକାର ସ୍ତରରେ କୌଣସି ଆଲୋଚନା ହୋଇନାହିଁ। &nbsp;ପୂର୍ଣ୍ଣ ନିଯୁକ୍ତି ପାଇଁ ସରକାରଙ୍କ କହିଆସୁଛୁ। କିନ୍ତୁ ସରକାର ଆମ କଥାକୁ କର୍ଣ୍ଣପାତ କରୁ ନାହାଁନ୍ତି। ସରକାର ଶିକ୍ଷାର ମାନ ବଢ଼ାଇବାକୁ ପ୍ରୟାସ କରୁଛନ୍ତି । କିନ୍ତୁ ଶିକ୍ଷକମାନଙ୍କୁ ନିମ୍ନସ୍ତରରେ ରଖି ଶିକ୍ଷାରମାନ କେବେ ବଢ଼ି ପାରିବ ନାହିଁ।&rdquo;</p> <p>&amp;nbsp;</p>