ରାସ୍ତା କଡ଼ରୁ ମଣିଷକୁ ଏମିତି ଟାଣି ନେଲା ଭାଲୁ, ହୃଦୟ ବିଦାରକ ଏ ଦୃଶ୍ୟ

<p>ନବରଙ୍ଗପୁର (ଓଡ଼ିଶା ରିପୋର୍ଟର): ରାସ୍ତାରୁ ଜଣେ ବ୍ୟକ୍ତିଙ୍କୁ ଟାଣି ନେଲା ଭାଲୁ। ସମସ୍ତଙ୍କ ଆଗରେ ଖିନ୍&zwnj;ଭିନ୍&zwnj; କରି ଆମ୍ପୁଡ଼ି ପକାଇଥିଲା। ଭାଲୁଟି ଏତେ ଭୟଙ୍କର ଥିଲା ଯେ, ତା&rsquo;ପାଖକୁ କେହି ଯିବାକୁ ସାହାସ କରିପାରିନଥିଲେ। ଯାହା ଥିଲା ହୃଦୟ ବିଦାରକ। ଆଜି ସନ୍ଧ୍ୟାରେ ଏପରି ଘଟଣା ନବରଙ୍ଗପୁର ଜିଲ୍ଲା କୋଡ଼ିଙ୍ଗା ପଞ୍ଚାୟତ ଫାର୍ସାଗୁଡ଼ା ନିକଟରେ ଘଟିଛି।</p> <p>ପାପଡ଼ାହାଣ୍ଡି ଥାନା ଦଳେଇଗୁଡ଼ା ଗାଁର ପ୍ରଭୁ ଭତ୍ରା ଏକ ବୋଲେରୋରେ ଛତିଶଗଡ଼ରୁ ଘରକୁ ଫେରୁଥିଲେ। ଫାର୍ସାଗୁଡ଼ା ନିକଟରେ ଗାଡ଼ି ଛିଡ଼ା କରି ସେ ପରିସ୍ରା କରୁଥିଲା। ଏହି ସମୟରେ ଗୋଟିଏ ଭାଲୁ ତାଙ୍କୁ ଆକ୍ରମଣ କରିଥିଲା। ଭାଲୁଟି ପ୍ରଭୁଙ୍କ ମୁଣ୍ଡକୁ ଧରି ପକାଇଥିଲା। ଭାଲୁ କବଳରୁ ପ୍ରଭୁ ମୁକୁଳିବାକୁ ବହୁ ଚେଷ୍ଟା କରିଥିଲେ। ମାତ୍ର ମୁକୁଳି ପାରିନଥିଲେ। ଭାଲୁଟି ତାଙ୍କୁ ଅତିଦୟନୀୟ ଭାବେ କଚାଡ଼ି ମାରିଥିଲା। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଭାଲୁ ଆକ୍ରମଣ କରୁଥିବା ବେଳେ ସ୍ଥାନୀୟ ଲୋକେ ଭିଡିଓ ସୁଟିଂ କରୁଥିଲେ। ମାତ୍ର କେହି ଜଣେ ହେଲେ ମଧ୍ୟ ବଞ୍ଚାଇବାକୁ ଚେଷ୍ଟା କରୁନଥିଲେ। ସମସ୍ତେ ଦୂରରେ ଠିଆ ହୋଇ ଆକ୍ରମଣର ଲାଇଭ୍&zwnj; ଭିଜୁଆଲ୍&zwnj; ସୁଟିଂ କରୁଥିଲେ। ଯାହା ଓଡ଼ିଶା ରିପୋର୍ଟର ପାଖରେ ହସ୍ତଗତ ହୋଇଛି।</p> <p>ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। କ୍ଷତିପୂରଣ ଦାବିରେ ସ୍ଥାନୀୟ ଲୋକେ ରାସ୍ତାରୋକ କରିଥିଲେ। ବନ ବିଭାଗ ୧୦,୦୦୦ ଟଙ୍କା ଦେବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା।</p>