ବ୍ରହ୍ମପୁର: ବ୍ରହ୍ମପୁର ଫାଷ୍ଟଗେଟ୍ ନିକଟରେ ୨ ଯୁବକଙ୍କୁ ବୋମାମାଡ଼ ସହ ମରଣାନ୍ତକ ଆକ୍ରମଣ ଘଟଣାରେ ବଡ଼ବଜାର ଥାନା ପୋଲିସ ଆଜି ୬ ଜଣଙ୍କୁ ଗିରଫ କରିଛି। ପୋଲିସ ସେମାନଙ୍କଠାରୁ ୩ ବାଇକ, ୪ ଖଣ୍ଡା ଓ ୪ ଅଫୁଟା ବୋମା ଜବତ କରିଛି।
ପୂର୍ବ ଶତ୍ରୁତାକୁ କେନ୍ଦ୍ରକରି ଗତକାଲି ବୋମାମାଡ ହୋଇଥିଲା। ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ଆହତ ହୋଇଥିଲେ। ୫ରୁ ୬ଜଣ ଦୁର୍ବୃତ୍ତ ଏକ ବାଇକରେ ଆସି ଫାଷ୍ଟଗେଟ୍ ନିକଟରେ ଏକ ଚାହା ଦୋକାନ ନିକଟରେ ବୋମାମାଡ କରିଥିଲେ। ଚାହା ଦୋକାନୀ ଉପେନ୍ଦ୍ର ବେହେରା ଦୌଡି ପଳାଉଥିବା ବେଳେ ଦୁର୍ବୃତ୍ତମାନେ ଗୋଡାଇ ତାଙ୍କୁ ହାଣିଥିଲେ। ଉପେନ୍ଦ୍ରଙ୍କୁ ଗୁରୁତର ଅବସ୍ଥାରେ ବଡମେଡିକାଲ ନିଆଯାଇଥିବା ବେଳେ ତାଙ୍କର ମୃତ୍ୟୁ ହୋଇଥିଲା। ସେହିପରି ସେଠାରେ ଠିଆ ହୋଇଥିବା ବର୍ମା କଲୋନୀର ସୁଶାନ୍ତ ପାତ୍ର ବୋମାମାଡରେ ଆହତ ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
