ଗଞ୍ଜାମ: ଗଞ୍ଜାମ ଜିଲ୍ଲାରେ ପୋଲିସ ପୁଣି ଏକ ଏନ୍କାଉଣ୍ଟର କରିଛି। ଆସ୍କା ଚାରିମାଇଲ ଛକରେ ପୋଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ କିଷାନ ପାତ୍ର ଓରଫ ଗଜୁ ନାଏକ ଗୁରୁତର ଆହତ ହୋଇଛି। ଗଜୁର ଡାହାଣ ଗୋଡ଼ରେ ଗୁଳି ବାଜିଛି। ତା’ ନିକଟରୁ ଗୋଟିଏ ମାଉଜର, ୨ଟି ଗୁଳି ଓ ମଟର ସାଇକେଲ ଜବତ କରାଯାଇଛି।
ଗଜୁ ନାଁରେ ବିଭିନ୍ନ ଥାନାରେ ୧୦ରୁ ଅଧିକ ମାମଲା ରହିଛି। ତାକୁ ଗିରଫ କରାଯାଇଥିବା ବେଳେ ଅନ୍ୟ ଜଣେ ଦୁର୍ଦ୍ଦାନ୍ତ ଅପରାଧୀ କିରଣ ପାଳ ଖସି ଯିବାକୁ ସକ୍ଷମ ହୋଇଛି।
ସୂଚନାଯୋଗ୍ୟ, ଗତ ସେପ୍ଟେମ୍ୱର ୧୧ ତାରିଖରେ ବ୍ରହ୍ମପୁର ଖଲ୍ଲିକୋଟ କହେଁଇପୁର ନିକଟରେ ପୋଲିସ୍ ଗୁଳିରେ ୨ ଜଣ ଦୁର୍ଦ୍ଦାନ୍ତ ଅପରାଧୀ ଗୁରୁତର ଆହତ ହୋଇଥିଲେ।