ଅପରାଧୀଙ୍କୁ ସୁଧାରିବାକୁ ବ୍ରହ୍ମପୁର ପୋଲିସ୍‌ର ନୂଆ ଫଣ୍ଡା

<p>ବ୍ରହ୍ମପୁର (ଓଡ଼ିଶା ରିପୋର୍ଟର): ଅପରାଧୀଙ୍କୁ ସୁଧାରିବା ପାଇଁ ବ୍ରହ୍ମପୁର ପୋଲିସ ନେଇଛି ନୂଆ ପଦକ୍ଷେପ। ବୁଝାଶୁଝା ମାଧ୍ୟମରେ କିଭଳି ଅପରାଧୀମାନଙ୍କ ମାନସିକତାକୁ ପରିବର୍ତ୍ତନ କରାଯାଇ ପରିବ ସେନେଇ ଆଗକୁ ଆସିଛି ପୋଲିସ। ଏଥିପାଇଁ ଜିଲ୍ଲାର ବିଭିନ୍ନ ଥାନା ଓ ପୋଲିସ ଫାଣ୍ଡିରେ ଅପରାଧିକ ମାମଲା ଥିବା ଅଭିଯୁକ୍ତମାନଙ୍କୁ ଡକାଯାଇ କାଉନସେଲିଙ୍ଗ କରାଯାଇଛି।</p> <p>ବ୍ରହ୍ମପୁରର ବିଭିନ୍ନ ଥାନରେ ଅପରାଧୀମାନଙ୍କୁ ଡକାଯାଇ ପରେଡ କରାଯାଇଛି। ଏହାସହ ସେମାନଙ୍କ ବିରୋଧରେ ଥିବା ବିଭିନ୍ନ ଅପରଧିକ ମାମଲା ସମ୍ପର୍କରେ ଅବଗତ କରାଇ ବୁଝାଶୁଝା କରାଯାଇଛି। ଏସପି ପିନାକ ମିଶ୍ର ଓ ଏଏସ୍&zwnj;ପି ତ୍ରିନାଥ ପଟେଲଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଏହି କାଉନସେଲିଙ୍ଗ ହୋଇଥିଲା।</p> <p>ପ୍ରତି ସପ୍ତାହରେ ଅପରାଧୀମାନଙ୍କୁ ଏଭଳି ଡକାଯାଇ ବୁଝାଶୁଝା କରାଯିବ ବୋଲି ଏଏସ୍&zwnj;ପି ପଟେଲ କହିଛନ୍ତି। ଏଥିରେ ବି ଅପରାଧୀମାନଙ୍କ ମାନସିକତା ତଥା କାର୍ଯ୍ୟକଳାପରେ କୌଣସି ପରିବର୍ତ୍ତନ ନଆସିଲେ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି।</p>