ଭଦ୍ରକ(ପାର୍ଥସାରଥୀ ନାୟକ): ସିଭିଲ ଇଂଜିନିୟର୍ ବୋହୂ କରୁଥିଲା ଦେଶୀ ମଦ ବେପାର! ଆଉ ତାଙ୍କୁ ସହଯୋଗ କରୁଥିଲେ ଦୁଇ ପୁଅ ଓ ଶାଶୂ। ଆଜି ଏପରି ଅଭିଯୋଗ ଆସିଛି ଭଦ୍ରକ ଜିଲ୍ଲାରୁ। ମଦ ବେପାର ନେଇ ଗ୍ରାମାଞ୍ଚଳ ପୁଲିସ ଜାଣିପାରି ଚଢ଼ଉ କରି ଇଞ୍ଜିନିୟର ବୋହୂ ଓ ଶାଶୁକୁ ଗିରଫ କରିଥିବା ବେଳେ ବହୁ ପରିମାଣର ଦେଶୀ ମଦ ଜବତ କରିଛି।
ଗ୍ରାମାଞ୍ଚଳ ଥାନା ଘୁଷୁରିପୋଖରୀ ଗାଁ ସରସ୍ୱତୀ ସିଂ ଘର ପଛ ପାର୍ଶ୍ୱରେ ଦେଶ ମଦ ରାନ୍ଧି ବେପାର କରୁଥିଲେ। ଏ ସମ୍ପର୍କରେ ପୁଲିସ ଜାଣିପାରି ଗୁରୁବର ଅଚାନକ ଚଢ଼ଉ କରି ଏକ ହଜାର ଲିଟରରୁ ଅଧିକ ଦେଶୀ ମଦ ଜବତ କରିଥିଲା। ଏହି ଅଭିଯୋଗରେ ପୁଲିସ ବୋହୂ ସରସ୍ୱତୀ ଓ ତାଙ୍କ ଶାଶୂଙ୍କୁ ଗିରଫ କରିଛି। ଚଢ଼ଉ ସମ୍ପର୍କରେ ଜାଣିପାରି ସରସ୍ୱତୀଙ୍କ ଦୁଇ ପୁଅ ଫେରାର ହୋଇଯାଇଛନ୍ତି। ଘଟଣା ସ୍ଥଳରୁ ପୁଲିସ ଗୋଟିଏ କାର ଓ ଗୋଟିଏ ସ୍କୁଟି ଜବତ କରିଛି। ଏହାଛଡ଼ା ନଗଦ ଏକ ଲକ୍ଷ ଟଙ୍କା ମଧ୍ୟ ଜବତ କରିଛି। ଗିରଫ ହୋଇଥିବା ବୋହୂ ସିଭିଲ୍ ଇଞ୍ଜିନିୟରିଂ ପାସ୍ କରିଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
