ପୁରୀ: ଶ୍ରୀଜୀଉଙ୍କ ନବଯୌବନ ଦର୍ଶନ ବନ୍ଦ ପ୍ରସଙ୍ଗରେ ରାଜ୍ୟ ସରକାର ଓ ଶ୍ରୀମନ୍ଦିର ପ୍ରଶାସକଙ୍କୁ ନୋଟିସ୍ ଜାରି କରିଛନ୍ତି ହାଇକୋର୍ଟ । ଏକ ଆବେଦନର ଶୁଣାଣି କରି ହାଇକୋର୍ଟ ବୁଧବାର ଆଇନ ସଚିବ, ଶ୍ରୀମନ୍ଦିର ପ୍ରଶାସକ, ମନ୍ଦିର ପରିଚାଳନା କମିଟି, ଦେବୋତ୍ତର କମିଶନର, ପୁରୀ ଜିଲ୍ଲାପାଳ ଓ ପୁରୀ ଏସପିଙ୍କୁ ଏହି ନୋଟିସ୍ ଜାରି କରିଛନ୍ତି । ନବକଳେବର ବର୍ଷ ହୋଇଥିବାରୁ ଭକ୍ତଙ୍କ ସମ୍ଭାବ୍ୟ ଭିଡ଼ ଓ ନୀତି ବିଳମ୍ୱ ଆଶଙ୍କ।ରେ ଶ୍ରୀମନ୍ଦିର ପ୍ରଶାସନ ଏଥର ନବଯୌବନ ଦର୍ଶନ ବନ୍ଦ ରଖିବାକୁ ନିଷ୍ପତ୍ତି ନେଇଛି । ଏହା ଏକ ପୁରୁଣା ପରମ୍ପରା ହୋଇଥିବାରୁ ଏହାକୁ ବନ୍ଦ କରିବା ନିଷ୍ପତ୍ତିକୁ ବେଆଇନ୍ ଘୋଷଣା କରାଯାଉ ଏବଂ ଭକ୍ତଙ୍କ ଦର୍ଶନ ଲାଗି ଅନୁମତି ଦିଆଯାଉ ବୋଲି ଏକି ପିଟିସନ୍ ଦାୟର ହୋଇଥିଲା। ଏ ସମ୍ପର୍କରେ ସମସ୍ତ ପକ୍ଷକୁ ଜବାବ ଦାଖଲ କରିବାକୁ ହାଇକୋର୍ଟ କହିଛନ୍ତି । ମାମଲାର ପରବର୍ତ୍ତୀ ଶୁଣାଣି ଆସନ୍ତା ୨୩ କିମ୍ୱା ୨୪ରେ ତାରିଖରେ କରାଯିବ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
