ବିଦେଶାଗତ ପକ୍ଷୀଙ୍କ କଳରବରେ ଫାଟି ପଡୁଛି ଭିତରକନିକା

କେନ୍ଦ୍ରାପଡ଼ା(ଓଡ଼ିଶା ରିପୋର୍ଟର): ବିଦେଶାଗତ ପକ୍ଷୀଙ୍କ କଳରବରେ ଫାଟି ପଡୁଛି ଭିତରକନିକା । କୋଇଲିର କୁହୁ କୁହୁ ରାବ, ଗେଣ୍ଡାଳିଆଙ୍କ କୁହାଟ ଆଉ ତା ସାଙ୍ଗକୁ ଶହ ଶହ ପ୍ରଜାତିର ପକ୍ଷୀଙ୍କ ସ୍ୱରରେ ପ୍ରକମ୍ପିତ ହେଉଛି ଭିତର କନିକା  । ପ୍ରତିବର୍ଷ ଶୀତ ଆସିଲେ ହଜାର ହଜାର ମାଇଲ ଅତିକ୍ରମ କରି ଦେଶୀ ଓ ବିଦେଶୀ ପକ୍ଷୀମାନେ ଧାଇଁ ଆସିଥାନ୍ତି ଏଠାକୁ ।

ଆଉ ଏହି ପକ୍ଷୀଙ୍କ ସମାଗମକୁ ଦେଖି ଆକର୍ଷିତ ହୋଇଥାନ୍ତି ପର୍ଯ୍ୟଟକ ଏବଂ  ପରିବେଶବିତ୍ । ସାତଭାୟା, ରାଇପାଟିଆ, ଅଗରନାସୀ ଓ ହୁକିଟୋଲା ଭଳି ପ୍ରମୁଖ ଅଂଚଳରେ ପକ୍ଷୀ ମାନଙ୍କ ସମାଗମ ହୋଇଥାଏ । ୨୦୦୨ ମସିହାରେ ଭିତରକନିକା ରାମସାର ମାନ୍ୟତା ପାଇଥିବା ବେଳେ ଏହି ପକ୍ଷୀମାନଙ୍କ କିଚିରି ମିଚିରିରେ ଭିତରକନିକାର ସୌନ୍ଦଯର୍ୟ ଦିଗୁଣିତ ହୋଇଥାଏ ।

ଅନ୍ୟପଟେ ଭିତରକନିକାରେ ଦିନକୁ ଦିନ ପକ୍ଷୀ ମାନଙ୍କ ଆଗମନ କମୁଥିବାବେଳେ ଚଳିତ ବର୍ଷ ବି ପକ୍ଷୀଙ୍କ ସଂଖ୍ୟା କମ ରହିଥିବା କହିଛନ୍ତି ପରିବେଶବିତ  । ଭିତରକନିକା ଚତୁର୍ପାଶ ର୍ବରେ ଚିଙ୍ଗୁଡି ଘେରି ରହିବା ସହ ଆଖପାଖ ଅଂଚଳର ନାଳ, ପୋଖରୀ ଓ ଛୋଟ ଶାଖାନଦୀରୁ ମାଛ ଏବଂ ଖାଦ୍ୟ ଦିନକୁ ଦିନ  ହ୍ରାସ ପାଉଛି । ଯେଉଁଥିପାଇଁ ଭିତରକନିକାକୁ ପକ୍ଷୀ ମାନଙ୍କ ଆଗମନ କମୁଥିବା କହିଛନ୍ତି ପରିବେଶବିତ।  ତେବେ ପକ୍ଷୀମାନଙ୍କ ସୁରକ୍ଷା ସହ ଯେଭଳି ଖାଦ୍ୟାଭାବ ଦେଖାନଦିଏ, ସେଥିଲାଗି ବନ ବିଭାଗ ସଜାଗ ରହିଥିବା କହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।