ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ନ୍ୟୁ ରେଳ ଷ୍ଟେସନ୍ ଆଜି ଲୋକାର୍ପିତ ହୋଇଛି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାର ଲୋକାର୍ପଣ କରିଛନ୍ତି। ଭୁବନେଶ୍ୱର ମୁଖ୍ୟ ଷ୍ଟେସନ୍‌ରେ ଯାତ୍ରୀ ଭିଡ଼ କମାଇବା ଏବଂ ଏକ ଅର୍ନ୍ତଜାତୀୟ ସ୍ତରର ଷ୍ଟେସନ୍‌ର ଆବଶ୍ୟକତା ପୂରଣ ପାଇଁ ବାରଙ୍ଗ ନିକଟରେ ‘ଭୁବନେଶ୍ୱର ନ୍ୟୁ ରେଳଷ୍ଟେସନ’ ନିର୍ମାଣ କରାଯାଇଛି।</p> <p>ବାରଙ୍ଗ-ମଞ୍ଚେଶ୍ୱର ରେଳ ଷ୍ଟେସନ୍ ମଝିରେ ଥିବା ଏହି ନୂଆ ଷ୍ଟେସନ୍‌ରୁ ପ୍ରଥମ ପର୍ଯ୍ୟାୟରେ ତିନୋଟି ପାସେଞ୍ଜର୍ ଟ୍ରେନ୍‌ ଯା’ଆସ କରିବ। ନ୍ୟୁ ଭୁବନେଶ୍ୱର ଷ୍ଟେସନରେ ୬ଟି ପ୍ଳାଟଫର୍ମ ରହିଛି। ଏକକାଳୀନ ଟ୍ରେନ୍ ରହଣି ପାଇଁ ମଧ୍ୟ ବନ୍ଦୋବସ୍ତ କରାଯାଇଛି। ପରୀକ୍ଷାମୂଳକ ଭାବେ ଏହି ଷ୍ଟେସନରେ ଏବେ ୩ଟି ଯାତ୍ରୀବାହୀ ଟ୍ରେନ୍ ରହିବ। ସେଗୁଡ଼ିକ ହେଉଛି ହାଓ୍ୱଡ଼ା-ପୁରୀ ସନ୍ତ୍ରାଗାଛି, ରାଉରକେଲା-ପୁରୀ-ରାଉରକେଲା ପାସେଞ୍ଜର ଏବଂ କଟକ-ବ୍ରହ୍ମପୁର-କଟକ ମେମୁ ଟ୍ରେନ୍।</p> <p>ମୁଖତଃ ପଟିଆ, ରଘୁନାଥପୁର, ଚନ୍ଦ୍ରଶେଖରପୁର ଓ ବାରଙ୍ଗ ଅଞ୍ଚଳର ଲୋକଙ୍କୁ ଏହି ଅତ୍ୟାଧୁନିକ ଷ୍ଟେସନର ସୁଫଳ ମିଳିବ। ଏହାସହ ରଥଯାତ୍ରା ପୂର୍ବରୁ ରେଳ ଷ୍ଟେସନ୍ ଉଦ୍‌ଘାଟନ ହେଉଥିବା ଯୋଗୁଁ ବହୁ ସଂଖ୍ୟାରେ ଲୋକ ଉପକୃତ ହେବେ। ଏହାସହ ନିକଟରେ ନନ୍ଦନକାନନ ଥିବା ଯୋଗୁଁ ପର୍ଯ୍ୟଟକଙ୍କ ସଂଖ୍ୟା ବଢ଼ିବ ବୋଲି ଆଶା କରାଯାଉଛି। ୨୦୧୨ ମସିହାରେ ନ୍ୟୁ ଭୁବନେଶ୍ୱର ଷ୍ଟେସନର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା।</p> <p>ଭୁବନେଶ୍ୱର ନ୍ୟୁ ରେଳ ଷ୍ଟେସନ ଲୋକାର୍ପଣ ସହ ଭିଡିଓ କନଫରେନ୍ସିଂ ଜରିଆରେ ଏକାଧିକ ପ୍ରକଳ୍ପ ଉଦଘାଟିତ ହୋଇଛି। ଭୁବନେଶ୍ୱର ଷ୍ଟେସନରେ ତୃତୀୟ ଫୁଟ୍ ଓଭରବ୍ରିଜ୍ ଓ ଖୋର୍ଦ୍ଧା ରୋଡ୍ ଷ୍ଟେସନରେ ମେମୁ ସେଡ୍‌ର ଉଦଘାଟନ ଓ ରଥଯାତ୍ରା ମୋବାଇଲ୍ ଆପ୍‌ର ଶୁଭାରମ୍ଭ କରାଯାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
