ଭୁବନେଶ୍ୱର:ଜୟଦେବ ବିହାର ଓଭରବ୍ରିଜରେ ଦୁର୍ଘଟଣା,ଜଣେ ମୃତ

ଭୁବନେଶ୍ୱର: ଭୁବନେଶ୍ୱର ଜୟଦେବ ବିହାର ଓଭରବ୍ରିଜ୍ ଉପରେ ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଛି। ମୃତକ ଜଣକ ହେଲେ ଭୁବନେଶ୍ୱର ଚକେଇସିଆଣୀର ଗଣେଷ ଚନ୍ଦ୍ର ସାହୁ। ସେ ସିଆରପିରୁ ବାଇକରେ ଫେରୁଥିବାବେଳେ ଜୟଦେବ ବିହାର ଓଭରବ୍ରିଜ୍ ଉପରେ ଛିଡ଼ା ହୋଇଥିବା ଏକ ପିକ୍ଅପ ଭ୍ୟାନ୍ ସହ ପିଟି ହୋଇଯାଇଥିଲେ। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଛି। ପୋଲିସ ମୃତଦେହ ସହ ଦୁର୍ଘଟଣାଗ୍ରସ୍ତ ବାଇକ୍ ଓ ପିକ୍ଅପ୍ ଭ୍ୟାନକୁ ଜବତ କରି ଘଟଣାର ତଦନ୍ତ କରୁଛି।