ବିଜେପୁର ଉପନିର୍ବାଚନ: ବରପାଲିରେ ହେବ ଜୋରଦାର ପ୍ରଚାର, ତିନି ଦଳର ନେତା ହେବେ ମୁହାଁମୁହିଁ

<p>ବରଗଡ଼(ଓଡ଼ିଶା ରିପୋର୍ଟର): ବିଜେପୁର ଉପନିର୍ବାଚନ ପାଇଁ ଜମି ଆସିଲାଣି ପ୍ରଚାର।&nbsp; ତିନି ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସ ନିଜ ପ୍ରଚାରକୁ ଜୋରଦାର କରିଛନ୍ତି।&nbsp; ବିଭିନ୍ନ ସ୍ଥାନରେ ସାଧାରଣ ସଭା ସହିତ ଘରକୁ ଘର ବୁଲି ତିନିଟି ଯାକ ଦଳ ପ୍ରଚାର କରୁଛନ୍ତି ।&nbsp; ନିଜେ ତିନି ପ୍ରାର୍ଥୀ ମଧ୍ୟ ପ୍ରଚାର କରୁଛନ୍ତି। ଆଜି ବରପାଲି ବ୍ଲକ୍&zwnj;ରେ ଦେଖିବାକୁ ମିଳିବ ତିନି ରାଜନୈତିକ ଦଳଙ୍କ ମଧ୍ୟରେ ଜୋରଦାର ପ୍ରଚାର। ଭୋଟରଙ୍କୁ ଆକ୍ରୁଷ୍ଟ କରିବାକୁ ସମସ୍ତେ ଦମ୍ ଲଗାଇ ଦେବେ।</p> <p>ଆଜି ବିଜେଡି ପ୍ରାର୍ଥୀ ରୀତା ସାହୁ ବରପାଲି ବ୍ଲକରେ ପ୍ରଚାର କରିବାର କାର୍ଯ୍ୟକ୍ରମ ଅଛି। &nbsp;ସେହିପରି ବିଜେପି ପାଇଁ ପ୍ରଚାର କରିବାକୁ କେନ୍ଦ୍ରମନ୍ତ୍ରୀ ସନ୍ତୋଷ ଗଙ୍ଗଓ୍ୱର ଆଜି ଆସିବେ। ସେ ପ୍ରଥମେ ବରପାଲି ବ୍ଲକରେ ପ୍ରଚାର କରିବାର କାର୍ଯ୍ୟକ୍ରମ ରହିଛି। ତା&rsquo; ପରେ ବିଜେପୁରର କେତେକ ଗାଁକୁ ଯିବେ। ଶେଷରେ ବରପାଲି ମେହେରପଡ଼ାରେ ଏକ ସାଧାରଣ ସଭାରେ ଯୋଗ ଦେବେ ସନ୍ତୋଷ ଗଙ୍ଗଓ୍ୱର। ସେହିପରି କଂଗ୍ରେସ ପ୍ରାର୍ଥୀ ପ୍ରଣୟ ସାହୁ ଆଜି ବରପାଲି ବ୍ଲକରେ ନିଜ ସପକ୍ଷରେ ପ୍ରଚାର କରିବେ।</p>