ନରାଜ ଓ ଯୋବ୍ରାରେ ପାଣି ଖସୁଛି… ମାର୍ଚ୍ଚ ମାସରେ ଭୁବନେଶ୍ୱର ବାସୀ ପାଣି ପାଇବେ ନାହିଁ…

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଛତିଶଗଡ଼ ମହାନଦୀ ଉପର ମୁଣ୍ଡରେ ବନ୍ଧ ଓ ବ୍ୟାରେଜ ବାନ୍ଧୁଥିବାରୁ ଓଡ଼ିଶା କ୍ଷତିଗ୍ରସ୍ତ ହୋଇ ସାରିଲାଣି। ଏହା ଜଳଜଳ ହୋଇ ଦେଖାଦେଉଛି। ମହାନଦୀରୁ ହୀରାକୁଦକୁ ଆସୁଥିବା ଉଦ୍&zwnj;ବୃତ ଜଳ ଆଉ ଆସୁନାହିଁ। ନରାଜ ଓ ଯୋବ୍ରାରେ ପାଣି ସ୍ତର ବହୁ ତଳକୁ ଖସି ଗଲାଣି। ଭୁବନେଶ୍ୱର ଉପକଣ୍ଠ କୁଆଖାଇ ନଦୀର ମଧ୍ୟ ଜଳସ୍ତର କମିଛି। ମାର୍ଚ୍ଚ ମାସରେ ଭୁବନେଶ୍ୱରବାସୀ ପାଣି ପାଇବେ ନାହିଁ। କୁଆଖାଇ ସେତୁ ଉପରେ ଠିଆହେଲେ ସବୁ ଜଳଜଳ ହୋଇ ଦେଖାଯାଉଛି। ତେଣୁ ମହାନଦୀ ଉପର ମୁଣ୍ଡରେ ଛତିଶଗଡ଼ ବ୍ୟାରେଜ ବାନ୍ଧୁଥିବାରୁ ଓଡ଼ିଶା କ୍ଷତିଗ୍ରସ୍ତ ହୋଇ ସାରିଲାଣି ବୋଲି ବିଜେପି ବରିଷ୍ଠ ନେତା ବିଜୟ ମହାପାତ୍ର କହିଛନ୍ତି।</p> <p>ସେ କହିଛନ୍ତି-&ldquo;ଓଡ଼ିଶା ଅନ୍ୟାୟରେ ଶିକାର ହୋଇସାରିବା ପରେ ଯେଉଁଭଳି କାର୍ଯ୍ୟ ପନ୍ଥା ଗ୍ରହଣ କରାଯିବା କଥା ତାହା କରାଯାଉନି। ମହାନଦୀ ମାମଲାରେ ଓଡ଼ିଶା ସରକାର କଣ ତଥ୍ୟ ଦେଇଛି ମୁଁ ଜାଣିନି। ମାତ୍ର ସବୁତଥ୍ୟ ସେଣ୍ଟ୍ରାଲ ୱାଟର କମିଶନ(CWC)ଙ୍କ ପାଖରେ ରହିଛି। ତେଣୁ CWC କଣ ପାଇଁ ମନ୍ତ୍ରୀଙ୍କୁ ତଥ୍ୟ ଦେଉନି, ତାହା ଜଣାପଡ଼ିନି? ମହାନଦୀ ପ୍ରସଙ୍ଗରେ କେନ୍ଦ୍ରମନ୍ତ୍ରୀଙ୍କୁ CWC ଅବଗତ କରିବା କଥା। କଣ ପାଇଁ CWC କେନ୍ଦ୍ରମନ୍ତ୍ରୀଙ୍କୁ ଅବଗତ କରାଉନି, ତାହା ମଧ୍ୟ ଜଣାପଡ଼ୁନି? କହିବାକୁ ଗଲେ ବର୍ତ୍ତମାନ ମହାନଦୀ ଭାଗ୍ୟ ସୂତା ଖିଅରେ ଝୁଲୁଛି।&rdquo;</p> <p>ଆଉଥରେ ଆଲୋଚନା ନେଇ ବିଜୟ କହିଛନ୍ତି-&ldquo;ଆଗରୁ ହୋଇଥିବା ଆଲୋଚନା ବିଫଳ ହୋଇଛି। ତେଣୁ ଆଉଥରେ ଆଲୋଚନା ହେଲେ ମଧ୍ୟ କିଛି ଫଳ ମିଳିବ ନାହିଁ। ଯଦି କେନ୍ଦ୍ର ସରକାର ବାତାବରଣ ସୃଷ୍ଟି କରାନ୍ତି, ତାହାହେଲେ କିଛି ଫଳ ମିଳିପାରେ। ଏପରିକ ସ୍ଥଳେ ରାଜ୍ୟ ସରକାର ଲୋକଙ୍କ ଆଗରେ ରଖିବା ଦରକାର।&rdquo;</p> <p>କେନ୍ଦ୍ର ଜଳସମ୍ପଦ ମନ୍ତ୍ରୀ ନୀତିନ ଗଡ଼କାରୀଙ୍କ ମନ୍ତବ୍ୟ ଉପରେ ବିଜୟ କହିଲେ-&ldquo;ଗଡ଼କାରୀ ଜଣେ ଦକ୍ଷ ମନ୍ତ୍ରୀ। ମାତ୍ର ତାଙ୍କ ମନ୍ତବ୍ୟରେ ସ୍ପଷ୍ଟ କିଛି ନଥିଲା ପରି ମନେ ହେଉଛି। ଏପରିକି ତାଙ୍କୁ ଜଳ ସମ୍ପଦ ମନ୍ତ୍ରଣାଳୟ ଓ CWC ଠିକ୍&zwnj;ଭାବେ ଅବଗତ କରାଇନି। ମହାନଦୀ ପାଇଁ ଏକକ ଟ୍ରିବ୍ୟୁନାଲ ହେଉ ସେନେଇ ମନ୍ତ୍ରୀ କିଛି ସ୍ପଷ୍ଟ ଚିତ୍ର ରଖିଲେ ନାହିଁ।&rdquo;</p>