ରନ୍ଧନ ଗ୍ୟାସ ଓ ଚାଷୀ ମୃତ୍ୟୁକୁ ନେଇ ରାଜରାସ୍ତାରେ ବିଜେଡି, ବିଜେପି

<p>ଭୁବନେଶ୍ୱର: ବିଭିନ୍ନ ପ୍ରସଙ୍ଗକୁ ନେଇ ବିଜେଡି ଓ ବିଜେପି ରାଜରାସ୍ତାକୁ ଓହ୍ଲାଇଛନ୍ତି। ଅଣ ସବସିଡି ଯୁକ୍ତ ଏଲପିଜି ସିଲିଣ୍ଡର ଦରବୃଦ୍ଧି ପ୍ରତିବାଦରେ ରାଜଭବନ ଆଗରେ ବିଜୁ ମହିଳା ଜନତା ଦଳ ଧାରଣା ଦେଇଛି।&nbsp; ଗତ ୧ ତାରିଖରେ ବିଭିନ୍ନ ତୈଳ କମ୍ପାନୀ ଅଣ ସବସିଡି ଯୁକ୍ତ ଏଲ୍&zwnj;ପିଜି ସିଲିଣ୍ଡର ଦରବୃଦ୍ଧି କରିଥିଲେ। ଏହାର ପ୍ରତିବାଦରେ ଏହି ଧାରଣା ଦେଇଛି ବିଜେଡି।</p> <p>ବିଜୁ ମହିଳା ଜନତା ଦଳର ନେତ୍ରୀ ପ୍ରମିଳା ମଲ୍ଲିକଙ୍କ ନେତୃତ୍ୱରେ ବହୁ ସଂଖ୍ୟାରେ ଦଳୀୟ କର୍ମୀ ଏଥିରେ ସାମିଲ ହୋଇଛନ୍ତି। ଏହାସହ ଆସନ୍ତା ୬ ତାରିଖରେ ୩ଟି ଆରଡିସି ଅଫିସ ଆଗରେ ଧାରଣା ଦେବ ଦଳ।&nbsp; ଦରବୃଦ୍ଧି ପ୍ରତ୍ୟାହାର ନ ହେଲେ ସବୁ ବ୍ଲକରେ ଆନ୍ଦୋଳନ କରାଯିବ ବୋଲି ବିଜୁ ମହିଳା ଜନତା ଦଳ ପକ୍ଷରୁ କୁହାଯାଇଛି।</p> <p>ସେହିପରି କୃଷକ ସମସ୍ୟା ଓ ଚାଷୀ ଆତ୍ମହତ୍ୟାକୁ ନେଇ ରାସ୍ତାକୁ ଓହ୍ଲାଇଛି ବିଜେପି। ବିଜେପି କିଷାନ ମୋର୍ଚ୍ଚା ପକ୍ଷରୁ ଆଜି ଭୁବନେଶ୍ୱରରେ ବିକ୍ଷୋଭ ପ୍ରଦର୍ଶନ କରାଯାଉଛି।</p>