କୁଚିଣ୍ଡା(ଓଡ଼ିଶା ରିପୋର୍ଟର): ଲକ୍ଡାଉନ୍ ନିୟମକୁ ଫୁ। ଖୋଲମଖୋଲା ଚାଲିଲା ବାର୍ଥଡେ ସେଲିବ୍ରେସନ। ବର୍ତ୍ତମାନ 4.0 କରୋନା କଟକଣା ଚାଲୁଥିବା ବେଳେ ଏହାକୁ ଫୁ କରିଦେଇଛନ୍ତି ସମ୍ବଲପୁର ଜିଲ୍ଲା କୁଚିଣ୍ଡାର ବିଧାୟକ କିଶୋର ଚନ୍ଦ୍ର ନାଏକ। ଯାହାର ଏକ ଭିଡ଼ିଓ ଭାଇରଲ ହେବାରେ ଲାଗିଛି। ଗତକାଲି ବିଧାୟକଙ୍କର ଜନ୍ମ ଦିନ ଥିବା ବେଳେ ସେ ଏକ ଜଙ୍ଗଲରେ କେକ କାଟି ସେଲିବ୍ରେସନ କରୁଥିବା ଏହି ଭିଡ଼ିଓରେ ଦେଖିବାକୁ ମିଳିଛି।
ଏହି ଉତ୍ସବରେ ୧୫ ରୁ ଅଧିକ ଲୋକ ଥିବାବେଳେ କାହାରି ମୁହଁରେ ମାକ୍ସ ନଥିବା ଏବଂ କେହି ସାମାଜିକ ଦୂରତା ରଖିନଥିବା ସ୍ପଷ୍ଟ ଦେଖା ଯାଉଛି।ବିଧାୟକ ଓ ଅନ୍ୟ କର୍ମୀ ମାନେ ଗାଁ ଗାଁ ବୁଲି କରୋନା ବାବଦରେ ସଚେତନ କରୁଥିବା ବେଳେ ନିଜ କ୍ଷେତ୍ରରେ କିନ୍ତୁ ସମ୍ପୂର୍ଣ୍ଣ ବ୍ୟତିକ୍ରମ ଦେଖାଦେଇଛି। ଜଣେ ଶାସକ ଦଳର ବିଧାୟକ ହୋଇ ଏଭଳି ଖୋଲମଖୋଲା ଜନ୍ମଦିନ ସେଲିବ୍ରେସନ କରିବା ସାଧାରଣରେ ନାପସନ୍ଦ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
