ମନ୍ତ୍ରୀଙ୍କ ସମ୍ପର୍କୀୟ ଜ୍ୱାଇଁ ବୋଲି …

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ପରିବେଶ ନିୟମକୁ ଖୋଲାଖୋଲି ଉଲ୍ଲଂଘନ। ନିୟମ ଗଢୁଥିବା ନେତା ଭାଙ୍ଗିଛନ୍ତି ଏହି ନିୟମ। ପୁରୀ ସମୁଦ୍ର କୂଳଠାରୁ ମାତ୍ର&nbsp; ୧୦ ମିଟର ଦୂରରେ ଆୟୋଜିତ ହୋଇଥିଲା ପାର୍ଟି। ବାଜିଥିଲା ଡିଜେ ନାଚିଥିଲେ ଲୋକେ। ଆଉ ଏଥିରେ ଭାଗ ନେଇଥିଲେ ଖାଦ୍ୟ ଯୋଗାଣ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର।</p> <p>ବାଜୁଛି ଡିଜେ। ଗୀତରେ ସମସ୍ତେ ମସଗୁଲ। ବିଭିନ୍ନ ପ୍ରକାର ଖାଦ୍ୟପେୟର ବ୍ୟବସ୍ଥା। ପୁରୀ ସମୁଦ୍ରକୂଳରେ ଆୟୋଜିତ ଏହି ପାର୍ଟିର ମଜା ନେଉଛନ୍ତି ଭିଭିଆଇପି ଓ&nbsp; ଖାଦ୍ୟ ଓ ଯୋଗାଣ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର। ନିୟମ ରହିଛି ସମୁଦ୍ର କୂଳରେ ଏମିତି କୌଣସି କାର୍ଯ୍ୟକ୍ରମର ଆୟୋଜନ କରାଯାଇ ପାରିବ ନାହିଁ। ପୁରୀ ଏକ ପର୍ଯ୍ୟଟନସ୍ଥଳୀ ହୋଇଥିବାରୁ ବେଳାଭୂମିରେ ପରିବେଶ ପ୍ରଦୂଷଣ ସହ ପର୍ଯ୍ୟଟକଙ୍କ ଲାଗି ମଧ୍ୟ ଏହା ସମସ୍ୟା ସୃଷ୍ଟି କରିଥାଏ। ଏ କଥା ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ରଙ୍କୁ ମଧ୍ୟ ବେଶ ଜଣା।</p> <p>ସାମ୍ବାଦିକଙ୍କ ପ୍ରଶ୍ନରେ ସେ କହୁଛନ୍ତି-&ldquo;ମୋ ସମ୍ପର୍କୀୟ ଜ୍ୱାଇଁଙ୍କ ଜନ୍ମ ଦିନ ଥିଲା। ଏହା ଏକ ପାରିବାରିକ ଉତ୍ସବ। ସେଥିପାଇଁ ହୋଟେଲ ବାହାରେ ଆମେ ସମସ୍ତେ ଏକତ୍ର ହୋଇଥିଲୁ। ଏଥିରେ ଆମ ପରିବାରର ୧୦ରୁ ୧୨ ଜଣ ସଦସ୍ୟ ଯୋଗଦେଇ ଥିଲେ।&rdquo;</p> <p>ସମୁଦ୍ର କୂଳରେ ଏଭଳି ପାର୍ଟିରେ ଆୟୋଜନ ହେଲା କେମିତି? ଅନୁମତି ଦେଲା କିଏ? ସାଧାରଣ ଲୋକେ ଏମିତି ପାର୍ଟିର ଆୟୋଜନ କରିପାରିବେ କି?&nbsp; ଭିଆଇପିଙ୍କ ପାଇଁ ନିୟମ କଣ ଅଲଗା ରହିଛି କି? ଖାଦ୍ୟ ଯୋଗାଣ ମନ୍ତ୍ରୀ କଣ ଆଇନ ଜାଣିନଥିଲେ ନା ଜାଣିଶୁଣି ଉଲ୍ଲଂଘନ କଲେ, ତାକୁ ନେଇ ଏବେ ଚର୍ଚ୍ଚା ଲାଗି ରହିଛି।</p> <p>ଘଟଣାକୁ ନେଇ ଚର୍ଚ୍ଚା ଆମ୍ଭ ହେବା ପରେ ପୁରୀ ଉପଜିଲ୍ଲାପାଳ ମଧୁସୂଦନ ଦାସ କହିଛନ୍ତି-&ldquo;ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି। ଜିଲ୍ଲାସ୍ତରୀୟ ଅଧିକାରୀମାନେ ଘଟଣାର ତଦନ୍ତ କରୁଛନ୍ତି। ତଦନ୍ତ ରିପୋର୍ଟ ଆସିଲେ କଣ ହୋଇଛି ଜଣାପଡ଼ିବ।&rdquo;</p>