କୃଷି ବିଲ୍‌କୁ ବିରୋଧ କଲା ବିଜେଡି

ନୂଆଦିଲ୍ଲୀ (ଓଡ଼ିଶା ରିପୋର୍ଟର): କେନ୍ଦ୍ର କୃଷି ବିଲ୍‌କୁ ବିରୋଧ କଲା ବିଜେଡି। ଆଜି ରାଜ୍ୟସଭାରେ ଏହି ବିଲ୍‌କୁ ବିରୋଧ କରିଛି ଦଳ। ରାଜ୍ୟସଭାରେ ଆଲୋଚନା ବେଳେ ଏହି ବିଲ୍‌କୁ ବିରୋଧ କରିଥିଲେ ବିଜେଡି ସାଂସଦ ଅମର ପଟ୍ଟନାୟକ। ସେ କହିଥିଲେ, ଏହି ବିଲ୍‌ରେ କ୍ଷୁଦ୍ର ଓ ନାମମାତ୍ର ଚାଷୀଙ୍କ ସୁରକ୍ଷା ନେଇ କିଛି ବ୍ୟବସ୍ଥା ନାହିଁ। ଏହା ସହ ଏହି ବିଲ୍‌କୁ ସିଲେକ୍ଟ କମିଟି ପାଖକୁ ପଠାଇବାକୁ ସେ ଦାବି କରିଥିଲେ।

ଲୋକସଭାରେ ପାରିତ ହୋଇସାରିଥିବା ଏହି ବିଲ୍‌କୁ ନେଇ ଆଜି ରାଜ୍ୟସଭାରେ ପ୍ରବଳ ହଟ୍ଟଗୋଳ ଓ ହୋହଲ୍ଲା ହୋଇଛି। ବିରୋଧୀ ଦଳମାନେ ଏହାକୁ ବିରୋଧ କରି ନାରାବାଜି କରିଛନ୍ତି। ଏପରିକି ଟିଏମ୍‌ସି ସାଂସଦ ଉପାଧ୍ୟକ୍ଷଙ୍କ ଟେବୁଲରୁ ଡ୍ରାଫ୍ଟ କପି ଛଡ଼ାଇ ନେଇ ଚରି ଦେଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।