ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ବିଜେଡି ନେତା ଲକ୍ଷ୍ମୀଦତ୍ତ ପ୍ରଧାନ ହତ୍ୟା ମାମଲାରେ ରାଜନୀତି ଜୋର ଧରିଛି। ଆଜି ପୁଣି ଥରେ ଗଞ୍ଜାମ ଏସ୍‌ପିଙ୍କୁ ଘେରିବାକୁ ଚେଷ୍ଟା କରିଛନ୍ତି ବିଜେପି ଗୋଲକ ମହାପାତ୍ର। ଏହି ଘଟଣାର ଦୁଇ ମୁଖ୍ୟ ଷଡ଼ଯନ୍ତ୍ରକାରୀ କୃଷ୍ଣଚନ୍ଦ୍ର ନାୟକ ଓ ଦୁର୍ଯ୍ୟୋଧନ ରେଡ୍ଡିଙ୍କୁ ଡେରାଡୁନ୍ ଫେରାର କରାଇବାରେ ବିଜେପିର ରାଜ୍ୟ ମୁଖପାତ୍ର ଗୋଲକ ମହାପାତ୍ର ସହଯୋଗ କରିଥିଲେ ବୋଲି ଅଭିଯୋଗ ହୋଇଥିବା ବେଳେ ସେ ଏସ୍‌ପିଙ୍କୁ ପ୍ରଶ୍ନ ପ୍ରଶ୍ନ କରି ଚାଲିଛନ୍ତି। ଅନ୍ୟପକ୍ଷରେ ଆଜି ବିଜେଡି ପକ୍ଷରୁ ବିଜେପି ଓ ଗୋଲକ ମହାପାତ୍ରଙ୍କୁ କିଛି ପ୍ରଶ୍ନ କରାଯାଇଛି।</p> <p>ବିଜେଡି ମୁଖପାତ୍ର ପ୍ରତାପ ଦେବ ଏକ ସାମ୍ବାଦିକ ସମ୍ମିଳନୀରେ ବିଜେପିକୁ କେତେକ ପ୍ରଶ୍ନ କରିଛନ୍ତି।</p> <p>ସେ ପଚାରିଛନ୍ତି,“ଅଭିଯୁକ୍ତମାନେ ବ୍ରହ୍ମପୁରରୁ ଭୁବନେଶ୍ୱର ଦେଇ ଉତ୍ତରାଖଣ୍ଡ ଗଲେ କେମିତି? ଉତ୍ତରାଖଣ୍ଡ ରାଜ୍ୟ ଅତିଥି ଭବନରେ ରହିଲେ କେମିତି? ଉତ୍ତରାଖଣ୍ଡରେ ବିଜେପିର ସରକାର ରହିଛି। ତେଣୁ ଓଡ଼ିଶା ବିଜେପିର କୌଣସି ନେତା ସେମାନଙ୍କ ପାଇଁ ଏହି ବ୍ୟବସ୍ଥା କରି ନାହାନ୍ତି ତ? ଭିଡିଓ ଆସିବା ପୂର୍ବରୁ ଗଞ୍ଜାମ ଏସ୍‌ପିଙ୍କୁ ଟାର୍ଗେଟର ରହସ୍ୟ କ’ଣ? ଏହା ଲୁଚିଛି ନା ଗୋଡ଼ ଦୁଇଟା ଦିଶୁଛି ପରି କଥା ନୁହେଁ ତ? ଗୋଲକ ଯଦି ସବୁ ପ୍ରକାର ତଦନ୍ତର ସାମ୍ନା କରିବାକୁ ପ୍ରସ୍ତୁତ, ତା’ହେଲେ ପ୍ରେସ୍‌ମିଟ୍ କରି ପ୍ରଳାପ କରୁଛନ୍ତି କାହିଁକି?”</p> <p>ପ୍ରତାପ ଦେବ କହିଛନ୍ତି,“ମିଡିଆରେ ଗୋଲକ ମହାପାତ୍ର ଏମିତି ବାରମ୍ବାର ପ୍ରଳାପ କରିବାରୁ ପ୍ରମାଣିତ ହେଉଛି ଯେ ନିଆଁ ନ ଥିଲେ ଧୂଆଁ ଉଠେନି। ଏପରି ପ୍ରଳାପ କରି ସେ ପରୋକ୍ଷରେ ସ୍ୱୀକାର କରୁଛନ୍ତି ଯେ ଏ ଘଟଣାରେ କେଉଁଠି ନା କେଉଁଠି ତାଙ୍କର ସଂପୃକ୍ତି ରହିଛି। ଏବେ ତାଙ୍କ ପାଇଁ ପରୀକ୍ଷାର ସମୟ। ଦେଖାଯାଉ ସେ କେମିତି ଭାବେ ପରୀକ୍ଷାର ସମ୍ମୁଖୀନ ହେଉଛନ୍ତି।”</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
