ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ବିଜେପି କୃଷକ ମୋର୍ଚ୍ଚାର ସଚିବାଳୟ ଚାଲ ଅଭିଯାନ ବେଳେ ପୋଲିସ୍‌ ଓ ବିଜେପି କର୍ମୀ ମୁହାଁମୁହିଁ ହୋଇଛନ୍ତି। ଚାଷୀ ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କୁ ଭେଟିବାକୁ ଗଲା ବେଳେ ସଚିବାଳୟ ସାମ୍ନାରେ ପୋଲିସ ବ୍ୟାରିକେଡକୁ ବିଜେପି କର୍ମୀ ଭାଙ୍ଗିବାରୁ ଏହି ମୁହାଁମୁହିଁ ପରିସ୍ଥିତି ଉପୁଜିଥିଲା। ବିଜେପିକର୍ମୀ ମାନେ ୨ଟି ପୋଲିସ ବ୍ୟାରିକେଡକୁ ଭାଙ୍ଗି ଧସେଇ ପଶିବାକୁ ଉଦ୍ୟମ କରିଥିଲେ। ପୋଲିସ ଅନେକ ଦଳୀୟ ନେତା ଓ କର୍ମୀଙ୍କୁ ଗିରଫ କରିଛି।</p> <p>ଏହାପରେ ରବୀନ୍ଦ୍ର ମଣ୍ଡପ ସାମ୍ନା ରାସ୍ତାରେ କର୍ମୀମାନେ ବିକ୍ଷୋଭ କରୁଛନ୍ତି। ରାଜ୍ୟ ସରକାରଙ୍କ ଚାଷୀମାରଣ ନୀତି ବିରୋଧରେ ଆଜି ବିଜେପି କୃଷକ ମୋର୍ଚ୍ଚା ରାଜ୍ୟ ବିଜେପି କାର୍ଯ୍ୟାଳୟରୁ ରାଲିରେ ବାହାରି ମୁଖ୍ୟମନ୍ତ୍ରୀଙ୍କୁ ଭେଟିବାର କାର୍ଯ୍ୟକ୍ରମ ଥିଲା। ଚାଷୀଙ୍କୁ କୃଷି ଋଣ ଛାଡ଼, ମୁଖ୍ୟମନ୍ତ୍ରୀଙ୍କ ଘୋଷଣା ମୁତାବକ ପ୍ରତି ଚାଷୀଙ୍କୁ ଧାନ କୁଇଣ୍ଟାଲ ପିଛା ୧୦୦ ଟଙ୍କା ଲେଖାଏଁ ବୋନସ୍ ପ୍ରଦାନ ‌ଆଦି ଦାବିରେ ବିକ୍ଷୋଭ କରାଯାଇଥିଲା।</p> <p>ରାଜ୍ୟ ବିଜେପି ସଭାବତି ବସନ୍ତ ପଣ୍ଡା କହିଛନ୍ତି-“ଚାଷୀକୁ ଅଦିନିଆ ବର୍ଷା, ଚକଡ଼ା ପୋକ ଏବଂ ମରୁଡି ଦାଉରୁ ରକ୍ଷା କରିବା, ନାର୍ଯ୍ୟ ହକ୍‌ ଦେବା ପାଇଁ ଭାରତୀୟ ଜନତା ଦଳ ଲଢ଼େଇ ଲଢ଼ୁଛି। ଯେତେ ଦିନ ପର୍ଯ୍ୟନ୍ତ ସସସ୍ୟାର ସମାଧାନ ହୋଇ ନ ଥିବ ଏହି ଲଢ଼େଇ ଜାରି ରହିବ। ଆଗାମୀ ଦିନରେ ଏହି ଆନ୍ଦୋଳନ ଆହୁରି ତୀବ୍ର ହେବ। ଏଥିରେ ବିଜେପି ପଛଘୁଞ୍ଚା ଦେବ ନାହିଁ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
