ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): ରତ୍ନଭଣ୍ଡାର ଚାବି ହଜିବାକୁ ନେଇ ଚାଲିଛି ଦୋଷଠେଲାଠେଲି ରାଜନୀତି । ୧୯୯୯ରେ ମୁଖ୍ୟମନ୍ତ୍ରୀ ଥିବା ଗିରଧର ଗମାଙ୍ଗୋ ଆଜି କହିଛନ୍ତି ତାଙ୍କ ସମୟରେ ଚାବି ହଜିନି। ଅର୍ଥାତ୍ ତାଙ୍କ ପରେ ନବୀନଙ୍କ ଶାସନରେ ଚାବି ହଜିବା ନେଇ ପରୋକ୍ଷରେ ଦୋଷ ଠେଲିଛନ୍ତି ଗମାଙ୍ଗ । ଏପଟେ ଚାବି ହଜିବା ନେଇ ସରକାରଙ୍କୁ କାଠଗଡ଼ାରେ ଠିଆକରି ରାଜ୍ୟ ବ୍ୟାପି ବିକ୍ଷୋଭ ଓ ଜନଜାଗରଣ ସଭା କରିଛି ବିଜେପି । ଏଣେ ବିଜେଡି କହିଛି ୧୯୮୫ର ପ୍ରଶାସନିକ ଅବହେଳା ପାଇଁ ମୁଖ୍ୟମନ୍ତ୍ରୀଙ୍କୁ ଟଣା ନ ଯାଉ।</p> <p>ରତ୍ନ ଭଣ୍ଡାର ଚାବି ହଜିବାକୁ ନେଇ ବିଜେପି କରିଛି ହଲ୍ଲାବୋଲ। ରାଜ୍ୟ ସରକାରଙ୍କ ଅବହେଳାକୁ ଦାୟୀ କରି ଗର୍ଜିଛନ୍ତି ବିଜେପି କର୍ମୀ ଓ ନେତା । ପୁରୀ,ଭଦ୍ରକ,ବାଲେଶ୍ୱର ସବୁଠି ବିକ୍ଷୋଭ ଓ ପ୍ରତିବାଦ ସଭା ହୋଇଛି। କେନ୍ଦ୍ରାପଡାର ସହରର ପ୍ରବେଶ ପଥ ୫ ନମ୍ବର ଜାତୀୟ ରାଜପଥର ଦୁହୁରିଆରେ ଟାୟାର ଜାଳି ରାସ୍ତା ଅବରୋଧ କରିଥିଲେ କର୍ମୀ । ଦଳର ଅଭିଯୋଗ, ରତ୍ନଭଣ୍ଡାର ଯାଞ୍ଚବେଳେ ଏପ୍ରିଲ ୪ରେ ସରକାର ଚାବି ହଜିବା ଘଟଣା ଜାଣିଥିଲେ ବି ପ୍ରକାଶ ନ କରି ଚୁପ ରହିଥିଲେ। ଏ ନେଇ ମୁଖ୍ୟମନ୍ତ୍ରୀ ମୁହଁ ଖୋଲନ୍ତୁ ଓ ଚାବି କେଉଁଠି ଅଛି ଲୋକଙ୍କ ଜଣାନ୍ତୁ । ଏହି ପ୍ରସଙ୍ଗକୁ ନେଇ ଆସନ୍ତା କାଲି ଦଳ ସବୁ ଥାନାରେ ଏଫଆଇଆର୍ ଦେବା ପରେ ତା ପର ଦିନ ଜଗନ୍ନାଥ ମନ୍ଦିରଗୁଡ଼ିକରେ ଦୀପ ଦାନ କରିବ ବୋଲି ଜଣାପଡିଛି।</p> <p>ଅନ୍ୟପକ୍ଷରେ ଦାନ ଅଳଙ୍କାରକୁ ରତ୍ନ ଭଣ୍ଡାରରେ ନ ରଖି କେଉଁ ଆଇନ ବଳରେ ଷ୍ଟେଟବ୍ୟାଙ୍କର ଲକରରେ ରଖାଗଲା ବୋଲି ପ୍ରଶ୍ନ କରିଛନ୍ତି ଦଳର ମୁଖପାତ୍ର ପୀତାମ୍ବର ଆଚାର୍ଯ୍ୟ। ଗୋଟିଏ ପଟେ ବିରୋଧୀ ସରକାରଙ୍କୁ ଘେରିଥିବା ବେଳେ ସେପଟେ ଶ୍ରୀ ଜଗନ୍ନାଥ ମନ୍ଦିରରେ ପରିଚାଳନା ଗତ ତ୍ରୁଟି ଓ ଚାବି ହଜିବା ଘଟଣାକୁ ନେଇ ମୁଖ୍ୟମନ୍ତ୍ରୀଙ୍କୁ ପାଖକୁ ଅନଲାଇନରେ ଅଭିଯୋଗ ପତ୍ର ପଠାଇ ଦସ୍ତଖତ ଅଭିଯାନ ବି ଆରମ୍ଭ କରିଛନ୍ତି କିଛି ସଂଗଠନ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
