ଯଦି ସେ ଭାବୁଥା’ନ୍ତି ଭାଇଙ୍କ କ୍ୟାରିଅର ପ୍ରତି ଆଞ୍ଚ ଆସିବ, ତାହା ଠିକ୍‌ ନୁହେଁ

ଭୁବନେଶ୍ୱର (ଓଡ଼ିଶା ରିପୋର୍ଟର): ଗତକାଲି ପଦ୍ମ ପୁରସ୍କାର ଘୋଷଣା କରାଯାଇଥିଲା। ଏ ତାଲିକାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭଉଣୀ ତଥା ବିଶିଷ୍ଟ ଲେଖିବା ଗୀତା ମେହେଟାଙ୍କ ନାଁ ଥିଲା।

ସାହିତ୍ୟ ଓ ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ‘ପଦ୍ମଶ୍ରୀ’ ପୁରସ୍କାର ଦିଆଯିବାକୁ ଘୋଷଣା କରାଯାଇଥିଲା। ଆମେରିକାରେ ରହୁଥିବା ଗୀତା ପ୍ରବାସୀ ଭାରତୀୟ ଭାବେ ଏହି ପୁରସ୍କାର ପାଇଥାଆନ୍ତେ। ତେବେ ସେ ଏହି ସମ୍ମାନ ଗ୍ରହଣ କରିବାକୁ ମନା କରି ଦେଇଛନ୍ତି।
ଆଗକୁ ସାଧାରଣ ନିର୍ବାଚନ ଥିବାରୁ ଏହାକୁ ନେଇ ସରକାର ଓ ସେ ନିଜେ ଅପ୍ରୀତିକର ସ୍ଥିତିରେ ପଡ଼ିପାରନ୍ତି ବୋଲି କହି ଗୀତା ଏହାକୁ ଗ୍ରହଣ କରିବାକୁ ମନା କରି ଦେଇଛନ୍ତି।

naveen23ଅନ୍ୟପକ୍ଷରେ ଗୀତାଙ୍କ ଏ ନିଷ୍ପତ୍ତିକୁ ବିଜେପି ସହଜରେ ଗ୍ରହଣ କରି ପାରିନି।

ରାଜ୍ୟ ବିଜେପି ନେତା ପୃଥ୍ୱୀରାଜ ହରିଚନ୍ଦନ କହିଛନ୍ତି, ରାଷ୍ଟ୍ରୀୟ ପୁରସ୍କାରକୁ କୌଣସି ବ୍ୟକ୍ତି ପ୍ରତ୍ୟାଖ୍ୟାନ କରିବା ଅନୁଚିତ୍‌। ରାଷ୍ଟ୍ରୀୟ ପୁରସ୍କାରକୁ ପ୍ରତ୍ୟାଖ୍ୟାନ କରିବା ଅର୍ଥ ରାଷ୍ଟ୍ରପ୍ରତି ଅସମ୍ମାନ।

ସେ ଆହୁରି କହିଛନ୍ତି, ସେ (ଗୀତା ମେହେଟା) ପୁରସ୍କାର ଗ୍ରହଣ କରିବେ କି ନାହିଁ, ତାହା ତାଙ୍କ ବ୍ୟକ୍ତିଗତ ନିଷ୍ପତ୍ତି।

ପୃଥ୍ୱୀରାଜ ହରିଚନ୍ଦନ କହିଛନ୍ତି, ଭାଇଙ୍କ କ୍ୟାରିଅର ପ୍ରତି ଆଞ୍ଚ ଆସିବ ବୋଲି ଯଦି ସେ ଭାବୁଥାନ୍ତି, ତାହା ଠିକ୍‌ ନୁହେଁ। ତାଙ୍କ ପରି ସୁଲେଖିକାଙ୍କ ଠାରୁ ଏହା ଆଶା କରାଯାଇନପାରେ।

ଏନେଇ ବିଜେଡି ମୁଖପାତ୍ର ପ୍ରତାପ ଦେବ କହିଛନ୍ତି,“ସେ (ଗୀତା ମେହେଟା) କାହିଁକି ମନାକଲେ, ତାହା ତାଙ୍କ ବ୍ୟକ୍ତିଗତ ନିଷ୍ପତ୍ତି। ଏସବୁ ନେଇ ତାଙ୍କୁ ରାଜନୀତିକୁ ଟଣା ନଯାଉ।”

ଚଳିତ ବର୍ଷ ୪ ଜଣଙ୍କୁ ପଦ୍ମ ବିଭୂଷଣ, ୧୪ ଜଣଙ୍କୁ ପଦ୍ମ ଭୂଷଣ ଏବଂ ୯୪ ଜଣଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯିବାକୁ ଗତକାଲି ଘୋଷଣା କରାଯାଇଥିଲା।

ଆହୁରି ପଢ଼ନ୍ତୁ

ସଞ୍ଜୟ ଦତ୍ତ ଲୀଳାବତି ହସ୍ପିଟାଲରେ ଭର୍ତ୍ତି

କେନ୍ଦ୍ରମନ୍ତ୍ରୀ ଅର୍ଜୁନ ରାମ ମେଘୱାଲ୍‌ଙ୍କୁ କରୋନା

ଖୋଲିବ ଆଉ ୬୫ଟି ନୂଆ ଜେଏମଏଫସି କୋର୍ଟ, ଅନୁମତି ଦେଲେ ହାଇକୋର୍ଟ

ସର୍ବସାଧାରଣ ସ୍ଥାନରେ ହୋଇପାରିବନି ଗଣେଶ ପୂଜା

ଅଧା ରହିଗଲା ମା’ଙ୍କ ଜନ୍ମଦିନ ସରପ୍ରାଇଜ୍‌…

ଆରୋଗ୍ୟ ହେଲେ ୧୫୪୪ କରୋନା ଆକ୍ରାନ୍ତ

ମୁଡ ଅଫ ନେଶନ: କୋଭିଡ ମୁକାବିଲା ମୋଦି ସରକାରଙ୍କ ବଡ଼ ବିଫଳତା

ଭୁବନେଶ୍ୱରରୁ ୧୯୦ କରୋନା ଆକ୍ରାନ୍ତ ଚିହ୍ନଟ, ୫୨ ଲୋକାଲ୍‌ କେସ୍‌

ମୁଡ ଅଫ ନେଶନ: ଯୋଗୀ ଆଦିତ୍ୟନାଥ ୧ନଂ ମୁଖ୍ୟମନ୍ତ୍ରୀ, ନବୀନଙ୍କ ସ୍ଥାନ କେତେ

ଆସନ୍ତାକାଲି ଏହି ସବୁ ଜିଲ୍ଲାରେ ହେବ ପ୍ରବଳ ବର୍ଷା

୨୯ ଦିନ ପରେ କରୋନାରୁ ଆରୋଗ୍ୟ ହେଲେ ଅଭିଷେକ ବଚ୍ଚନ

ଗର୍ଭବତୀ ହଟହଟା; ଅଲଟ୍ରା ସାଉଣ୍ଡ ପୂର୍ବରୁ ଡାକ୍ତର ମାଗୁଛନ୍ତି କୋଭିଡ ରିପୋର୍ଟ