ସାଧାରଣ ନିର୍ବାଚନ ପାଇଁ ଆଜି ବିଜେପି କରିବ ରଣନୀତି: ଏକାଠି ହେବେ ତୁଙ୍ଗ ନେତା

<p>ନୂଆଦିଲ୍ଲୀ(ଓଡ଼ିଶା ରିପୋର୍ଟର): ଦିଲ୍ଲୀରେ ଆଜି ବିଜେପିର ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ।&nbsp; ସଭାପତି ଅମିତ ଶାହାଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହେବ। ଏଥିରେ ବିଜେପିର ବରିଷ୍ଠ ପଦାଧିକାରୀଙ୍କ ସହ ସମସ୍ତ ରାଜ୍ୟର ସଭାପତି, ପ୍ରଭାରୀ ଏବଂ ସମ୍ପାଦକ ଯୋଗ ଦେବାର କାର୍ଯ୍ୟକ୍ରମ ରହିଛି।</p> <p>ଏହି ବୈଠକରେ ଓଡ଼ିଶାରୁ ରାଜ୍ୟ ବିଜେପି ସଭାପତି ବସନ୍ତ ପଣ୍ଡାଙ୍କ ସହ ଜାତୀୟ ସମ୍ପାଦକ ସୁରେଶ ପୂଜାରୀ ଯୋଗ ଦେବାର କାର୍ଯ୍ୟକ୍ରମ ରହିଛି। ଆଜି ଦିନ ପ୍ରାୟ ୧୦ଟାରେ ବୈଠକ ଆରମ୍ଭ ହେବ।</p> <p>କେନ୍ଦ୍ରରେ ମୋଦି ସରକାରକୁ ୪ବର୍ଷ&nbsp; ପୂରିବାକୁ ଯାଉଛି। ଏହି ଚାରିବର୍ଷର ସଫଳତାକୁ କିଭିଳି ଲୋକଙ୍କ ପାଖରେ ପହଞ୍ଚାଯାଇ ପାରିବ&nbsp; ଏବଂ ଆଗାମୀ ସାଧାରଣ ନିର୍ବାଚନରେ ଦଳର ରୋଡ ମ୍ୟାପ କ&rsquo;ଣ ହେବ ସେ ନେଇ ରଣନୀତି ପ୍ରସ୍ତୁତ ହେବା କୁହାଯାଉଛି।</p>