ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶାରେ ଉପନିର୍ବାଚନ ସ୍ଥିତି ନେଇ ମୁଖ୍ୟ ନିର୍ବାଚନ କମିଶନଙ୍କୁ ଭେଟିଲା ବିଜେପି। ବିଜେପିର ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଓ ସାଂସଦ ଅଶ୍ୱିନ କୁମାର ବୈଷ୍ଣବ ବିଭିନ୍ନ ଅଭିଯୋଗ ଆଣି ମୁଖ୍ୟ ନିର୍ବାଚନ କମିଶନଙ୍କ ଦ୍ୱାରସ୍ଥ ହୋଇଛନ୍ତି।
ସେମାନେ ଅଭିଯୋଗ କରିଛନ୍ତି ଯେ, ଶାସକ ଦଳର ନେତା, ମନ୍ତ୍ରୀ, ବିଧାୟକ, ସାଂସଦ ଉପ ନିର୍ବାଚନକୁ ଓ ମତଦାତାଙ୍କୁ ପ୍ରଭାବିତ କରୁଛନ୍ତି। ସେହିପରି ଜଗତସିଂହପୁର ପୂର୍ବତନ ଜିଲ୍ଲାପାଳଙ୍କ ବଦଳି ହୋଇଥିଲେ ମଧ୍ୟ ତିର୍ତ୍ତୋଲରେ ରହି ନିର୍ବାଚନକୁ ପ୍ରଭାବିତ କରିବା ପାଇଁ ଚେଷ୍ଟା କରୁଛନ୍ତି ବୋଲି ଅଭିଯୋଗ କରିଛନ୍ତି ସମ୍ବିତ ପାତ୍ର। ତେବେ ନେତା ଓ ମନ୍ତ୍ରୀ ୪୮ ଘଣ୍ଟା ପୂର୍ବରୁ ଜାଗା ନଛାଡ଼ିଲେ କାର୍ଯ୍ୟନୁଷ୍ଠାନ ହେବ ବୋଲି କମିଶନ କହିଥିବା କହିଛନ୍ତି। ତା’ସହ ପୂର୍ବତନ ଜିଲ୍ଲାପାଳଙ୍କ ଉପସ୍ଥିତି ନେଇ ତଥ୍ୟ ମିଳିଲେ ମଧ୍ୟ କାର୍ଯ୍ୟାନୁଷ୍ଠାନ ହେବ ବୋଲି କମିଶନ କହିଥିବା ସେ କହିଛନ୍ତି। ତେବେ ଏନେଇ ଶାସକ ଦଳ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
