ବେଆଇନ ବାଲିଘାଟ ବନ୍ଦ ଦାବିରେ ରାସ୍ତାକୁ ଓହ୍ଲାଇଲା ବିଜେପି

ଢେଙ୍କାନାଳ: ଢେଙ୍କାନାଳ ଜିଲ୍ଲା ପରଜଙ୍ଗ ତହସିଲ ଅଞ୍ଚଳରେ ଚାଲୁଥିବା ବେଆଇନ ବାଲିଘାଟ ବନ୍ଦ ଦାବିରେ ବିଜେପି ରାଜପଥ ୫୩କୁ  ଅବରୋଧ କରିଛି। ପୂର୍ବତନ ବ୍ଳକ୍ ଅଧ୍ୟକ୍ଷ ସୁଶାନ୍ତ ଦଳବେହେରାଙ୍କ ନେତୃତ୍ୱରେ ଏହି ଅବରୋଧ କରାଯାଇଛି। ଅଭିଯୋଗ ଅନୁଯାୟୀ, ପରଜଙ୍ଗ ତହସିଲ୍‌ର କମର, ଡମଳ, କୁଲେଇ, ଖାଲପାଳ, ବସୁଲେଇ, ଜଟିଆ ଆଦି ବାଲିଘାଟ ବେଆଇନ ଭାବେ ଚାଲୁଛି।

ସେପଟେ ସ୍ଥାନୀୟ ତହସିଲଦାର କହିଛନ୍ତି  ଯେ ଏ ସଂପର୍କରେ ସେମାନେ ଏକ ଅଭିଯୋଗପତ୍ର ଜିଲ୍ଲାପାଳଙ୍କୁ ଦେଇଛନ୍ତି।  ଏନେଇ ତଦନ୍ତ କରାଯିବ।