ଖୋର୍ଦ୍ଧା(ଓଡ଼ିଶା ରିପୋର୍ଟର): ପରୀ ପରିବାରକୁ ଭେଟିବାକୁ ଆଜି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କ ନେତୃତ୍ୱରେ ଗୋଟିଏ ଟିମ୍ ନୟାଗଡ଼ ଜିଲ୍ଲା ଯଦୁପୁରରେ ପହଞ୍ଚିଥିଲା। ସେଠାରେ ପରୀ ବାପାମା’ଙ୍କ ସହ ଆଲୋଚନା ପରେ ୫ ବର୍ଷର ଝିଅକୁ ନ୍ୟାୟ ଦେବାକୁ ସିବିଆଇ ତଦନ୍ତ ଦାବି କରିଛନ୍ତି ସମ୍ବିତ ପାତ୍ର।
ଏଥିସହ ମନ୍ତ୍ରୀ ଅରୁଣ ସାହୁଙ୍କ ଉପରେ ବର୍ଷି ତାଙ୍କୁ ପଦଚ୍ୟୁତ କରା ନ ଯିବା ପର୍ଯ୍ୟନ୍ତ ମୃତ ପରୀକୁ ନ୍ୟାୟ ମିଳିପାରିବ ନାହିଁ ବୋଲି କହିଛନ୍ତି। ତେଣୁ ତାଙ୍କୁ ତୁରନ୍ତ ମନ୍ତ୍ରିମଣ୍ଡଳରୁ ବହିଷ୍କାର ଦାବି କରିଛନ୍ତି। ଯେପର୍ଯ୍ୟନ୍ତ ମନ୍ତ୍ରୀ ପଦରୁ ଅରୁଣ ସାହୁ ବିଦା ନ ହୋଇଛନ୍ତି, ସେ ପର୍ଯ୍ୟନ୍ତ ନିରପେକ୍ଷ ତଦନ୍ତ ହେବା ସମ୍ଭବ ନୁହେଁ ବୋଲି କହିଛନ୍ତି ସମ୍ବିତ ପାତ୍ର।
ସୂଚାଯୋଗ୍ୟ, ନୟାଗଡ଼ର କୁନିଝିଅ ପରୀ ହତ୍ୟାକୁ ନେଇ ରାଜନୀତି ଜୋର ଧରିଛି । ଆଜି ବିଜେପି ଓ କଂଗ୍ରେସର ପ୍ରତିନିଧି ଦଳ ପୃଥକ ପୃଥକ ଭାବେ ନୟାଗଡ଼ର ଯଦୁପୁରରେ ପହଞ୍ଚି ଘଟଣାର ଅନୁଧ୍ୟାନ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
