ଖୋଲୁଛି ବ୍ଲାକରୋଜ ଗୁମର: ରେକ୍ଟର ମାଇନ୍ସ ସହ ରହିଛି ଯାଜପୁର ବିଧାୟକ ପରିବାରର ସମ୍ପର୍କ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): &lsquo;ବ୍ଲାକରୋଜ&rsquo; କେଳେଙ୍କାରୀ ପଛରେ ଯାଜପୁର ଲିଙ୍କର ଗୁମର ଫିଟୁଛି। ମାଲ୍&zwnj; ପରିବହନ କରୁଥିବା ୨ ଟି କମ୍ପାନୀରୁ ଗୋଟିଏ ହେଉଛି &lsquo;ରେକ୍ଟର ମାଇନ୍ସ&rsquo;। ଏଥି ସହ ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ପରିବାରର ସଂପର୍କ ପଦାକୁ ଆସିଛି। ତଥ୍ୟ ଅନୁସାରେ &lsquo;ରେକ୍ଟର ମାଇନ୍ସ&rsquo; ପୂର୍ବରୁ &lsquo;ସେଭେନ ହିଲ୍ସ&rsquo; ନାଁରେ କାରବାର କରୁଥିବା ବେଳେ ଖୋଦ ପ୍ରଣବ ପ୍ରକାଶ ଥିଲେ ଏହାର ଷ୍ଟେକ ହୋଲଡର।</p><p>&lt;a href=&quot;&quot;&gt;(image) &lt;/a&gt;&lsquo;ବ୍ଲାକରୋଜ&rsquo;ରେ ବେଆଇନ ଭାବେ ଆଇରନ ଓର ପଠାଉଥିଲା ଏ.ବି ମିନେରାଲସ ଓ ରେକ୍ଟର ମାଇନ୍ସ। ଏହାର ନିର୍ଦ୍ଦେଶକ ହେଉଛନ୍ତି ସୂର୍ଯ୍ୟପ୍ରକାଶ ଦାସ। ରେଜିଷ୍ଟ୍ରାର ଅଫ୍&zwnj; କମ୍ପାନୀର ତଥ୍ୟ ଅନୁସାରେ, ସୂର୍ଯ୍ୟପ୍ରକାଶ ମାର୍ଚ୍ଚ ୨୫ ତାରିଖରେ ଯାଜପରୁ ପୌରପାଳିକାର ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବେଟରୀ ଚାଳିତ ଗାଡିରେ ବସାଇ ବୁଲାଉଥିଲେ। ସେ ହେଉଛନ୍ତି ବିଧାୟକ ପ୍ରଣବ ପ୍ରକାଶଙ୍କ ଦାଦା ପୁଅ ଭାଇ। ବଡ଼କଥା ହେଉଛି ଏହି &lsquo;ରେକ୍ଟର ମାଇନ୍ସ&rsquo; ପ୍ରଥମେ &lsquo;ସେଭେନ ହିଲ୍ସ ଓଭର ସିଜ୍&zwnj; ଲିମିଟେଡ୍&zwnj;&rsquo; ନାଁରେ ବ୍ୟବସାୟ ଚଳାଇଥିଲା। ପରେ ଅର୍ଥା ୨୦୦୯ ମାର୍ଚ୍ଚ ୧୭ ତାରିଖରେ ଏହାର ନାଁ &lsquo;ରେକ୍ଟର ମାଇନ୍ସ&rsquo;କୁ ପରିବର୍ତ୍ତନ କରାଯାଇଥିଲା। ୨୦୦୬ ମସିହାରେ &lsquo;ସେଭେନ ହିଲ୍ସ&rsquo; ନାଁରେ ଥିବା କମ୍ପାନୀର ଷ୍ଟେକ ହୋଲଡରସ ରହିଥିଲା ପ୍ରଣବ ପ୍ରକାଶ ଦାସ। ତେବେ ଏଠି ପ୍ରଶ୍ନ ଉଠୁଛି &lsquo;ସେଭେନ ହିଲ୍ସ&rsquo; ନାଁ &lsquo;ରେକ୍ଟର ମାଇନ୍ସ&rsquo;କୁ ବଦଳାଗଲା କାହିଁକି? ବିଜେପି ଅଭିଯୋଗ କରିଛି, &lsquo;ବ୍ଲାକରୋଜ&rsquo; ସହ ଯାଜପୁର ବିଧାୟକ ଓ ତାଙ୍କ ପରିବାରର ବ୍ୟବସାୟୀକ ସଂପର୍କ ରହିଛି। କ୍ରାଇମବ୍ରାଞ୍ଚ ସବୁ ଜାଣି ଚୁପ ରହିଛି ବୋଲି କହିଛନ୍ତି ବିଜେପି ରାଜ୍ୟ ଉପସଭାପତି ସମୀର ମହାନ୍ତି।</p><p>&lt;a href=&quot;http://odishareporter.in/wp-content/uploads/2018/07/black-rose-ship-sink-in-paradeep1.jpg&quot;&gt;(image) &lt;/a&gt;ପାରଦୀପ ପୋର୍ଟ ଟ୍ରଷ୍ଟି ପ୍ରତାପ ମିଶ୍ର କହିଛନ୍ତି-&ldquo;ରେକ୍ଟର କମ୍ପାନୀ ନାଁରେ ବ୍ୟବସାୟ ଆରମ୍ଭ କରାଗଲା। ଯାହାର ନିର୍ଦ୍ଦେଶକ ହେଉଛନ୍ତି ସୂର୍ଯ୍ୟପ୍ରକାଶ ଦାସ। ସେ ହେଉଛନ୍ତି ପ୍ରଣବ ପ୍ରକାଶ ଦାସଙ୍କ ଭାଇ। ତାଙ୍କର ଶ୍ୱଶୁର କିଏ? ଏସବୁ ଘଟଣାର ଖୋଳତାଡ଼ ହେବା ଦରକାର।&rdquo;</p><p>&lsquo;ବ୍ଲାକରୋଜ&rsquo;କୁ ନେଇ ଉଠିଥିବା ଅଭିଯୋଗ ସଂପର୍କରେ ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ମତାମତ ନେବାକୁ ଚେଷ୍ଟା କରାଯାଇଥିଲା। ମାତ୍ର ପ୍ରତିକ୍ରିୟା ଦେଇନାହାଁନ୍ତି। ତେବେ ପ୍ରଣବଙ୍କ ପାଇଁ ବିଜେଡି ବାହାରି।</p><p>ବିଜେଡି ମୁଖପାତ୍ର ପ୍ରତାପ ଦେବ କହିଛନ୍ତି-&ldquo;ଆଜି ବ୍ଲାକରୋଜ କଥା ଉଠାଇଲେ। ତାହାହେଲେ ୪ ବର୍ଷ ହେଲା କଣ ପାଇଁ ଚୁପ୍&zwnj; ବସିଥିଲେ? ନିର୍ବାଚନ ଆଉ ୬ ମାସ ଥିବା ଦେଖି ଏହି କଥା ଉଠାଯାଉଛି। ଏହା ଓଡ଼ିଶାର ଜନସାଧାରଣ ଦେଖୁଛନ୍ତି। ପ୍ରତିପକ୍ଷଙ୍କୁ ଦମନ କରିବା ପାଇଁ ସିବିଆଇ ଏହା ନାଟକ ନୁହେଁ ତ?&rdquo;</p><p>ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି-&ldquo;ରାଜନେତାଙ୍କ ଭୂମିକା ରହିଛି ବୋଲି ସନ୍ଦେହ କରାଯାଉଛି। ସେଥିପାଇଁ ସିବିଆଇ ଘଟଣାର ତଦନ୍ତ କରୁଛି। ଯଦି ସେମିତି କିଛି ଘଟିଥିବ, ତାହାହେଲେ ନିଶ୍ଚିତ ବାହାରିବ।&rdquo;</p><p>ବରିଷ୍ଠ ବିଜେଡି ନେତା ଦାମୋଦର ରାଉତ କହିଛନ୍ତି-&ldquo;ନେତା ଭୁଲ କରିଥିଲେ ଆଇନ୍&zwnj;ର ଜାଲରୁ ବାହାରି ପାରିବେ ନାହିଁ। ଏହାର ଜ୍ୱଳନ୍ତ ଉଦାହରଣ ରହିଛି। ଖଣି ଦୁର୍ନୀତିରେ ଫସିଥିବା କର୍ଣ୍ଣାଟକ ପୂର୍ବତନ ମୁଖ୍ୟମନ୍ତ୍ରୀ ଜେଲ ଯାଇଛନ୍ତି। ଯଦି ଏଠି ସେମିତି କିଛି ଅଛି, ତାହାହେଲେ ସିବିଆଇ ଧରନ୍ତୁ। ତାଙ୍କୁ କିଏ ମନା କରୁଛି।&rdquo;</p><p>ରେକ୍ଟର ମାଇନ୍ସ ସହ ଜଣେ ଓଡିଆ କ୍ୟାଡର ଅଣଓଡ଼ଇା ଆଇଏସଙ୍କ ସଂପୃକ୍ତି ଅଭିଯୋଗ ମଧ୍ୟ ଆଣିଛି ବିଜେପି। ତେବେ ରେଜିଷ୍ଟର ଅଫ୍&zwnj; କମ୍ପାନୀର ତଥ୍ୟ କହୁଛି, ୨୦୧୧ରେ ଏହାର ଜଣେ ନିର୍ଦ୍ଦେଶକ ଥିଲେ ମୁଥୁ ଭି .ଏସ୍&zwnj; ଶେଖର। ଚର୍ଚ୍ଚା ହେଉଛି ଏହି ମୁଥୁ ଭିଏସ୍&zwnj; ଶେଖର ହେଉଛନ୍ତି ସଂପୃକ୍ତ ଆଇଏଏସଙ୍କ ସଂପର୍କୀୟ।</p><p>https://youtu.be/inCmAt3lOnc</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।