ରାଜ୍ୟ ସରକାରଙ୍କ ନୂଆ ଫର୍ମୁଲା: ବ୍ଲକଗ୍ରାଣ୍ଟ୍‌ ଆଉଟ୍‌, ଗ୍ରାଣ୍ଟ ଇନ୍‌ ଏଡ୍‌ ଇନ୍‌

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ୨୦୦୪ ମସିହାରେ ଲାଗୁ ହୋଇଥିବା ବ୍ଲକଗ୍ରାଣ୍ଟ୍&zwnj; ବ୍ୟବସ୍ଥାକୁ ଆଜି ରାଜ୍ୟ ସରକାର ଉଚ୍ଛେଦ କରିଦେଇଛନ୍ତି। ଏହା ବଦଳରେ ଗ୍ରାଣ୍ଟ ଇନ୍&zwnj; ଏଡ୍&zwnj; ବ୍ୟବସ୍ଥା ଲାଗୁ କରାଯାଇଛି। ଏହାର ସବୁ ସୁବିଧା ଶିକ୍ଷକ ଓ ଅଧ୍ୟାପକମାନେ ପାଇବେ। ଏନେଇ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ମୁଖ୍ୟମନ୍ତ୍ରୀଙ୍କ ସୂଚନା ପରେ ପିଏମ୍&zwnj;ଜିରେ ଶିକ୍ଷକ ଓ ଅଧ୍ୟାପକମାନେ ଆନ୍ଦୋଳନକୁ ଆନ୍ଦୋଳନ ରଖିଛନ୍ତି।</p><p>ବ୍ଲକଗ୍ରାଣ୍ଟ ଉଚ୍ଛେଦ ପାଇଁ ଦୁଇ ଥର ଆଲୋଚନା ବିଫଳ ହେବା ପରେ ଆଜି ସଚିବାୟରେ ବସିଥିଲା ଗୁରୁତ୍ୱପୂର୍ଣ୍ଣ ବୈଠକ। ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର, ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସ ଓ ଶିକ୍ଷକ ସଂଘର କର୍ମକର୍ତ୍ତା ଯୋଗଦେଇ ଥିଲେ। ଦୀର୍ଘ ସମୟ ଧରି ଚାଲିଥିଲା ଆଲୋଚନା। ପରେ ମୁଖ୍ୟମନ୍ତ୍ରୀ ବାହାରକୁ ଆସି ବ୍ଲକଗ୍ରାଣ୍ଟ୍&zwnj; ଉଚ୍ଛେଦ ନେଇ ସୂଚନା ଦେଇଥିଲେ।</p><p>ବିଦ୍ୟାଳୟ ଶିକ୍ଷକ ମହାସଂଘ ଆବାହକ ପ୍ରକାଶ ମହାନ୍ତି କହିଛନ୍ତି-&ldquo;ଆମର କିଛି ଦାବି ପୂରଣ ହୋଇଛି। ପରବର୍ତ୍ତୀ ସମୟରେ ଅନ୍ୟାନ୍ୟ ଦାବି ଉପରେ ଆଲୋଚନା ହେବ। ଏଥିପାଇଁ ରାଜ୍ୟ ସରକାରଙ୍କୁ ୨ ମାସ ସମୟ ଦିଆଯାଇଛି। ଏହି ଦୁଇ ମାସ ମଧ୍ୟରେ ଦାବି ପୂରଣ କରିବାକୁ କୁହାଯାଇଛି।&rdquo;</p><p>୬୬୨ ବର୍ଗ କଲେଜ ଅଧ୍ୟାପକ ସଂଘ ସଭାପତି ଗୋପାଳ ନାୟକ କହିଛନ୍ତି-&ldquo;ଆଜି ହୋଇଥିବା ଆଲୋଚନାରେ ରାଜ୍ୟ ସରକାର ଆମର ବହୁ ଦାବି ପୂରଣ ପାଇଁ ରାଜି ହୋଇଛନ୍ତି। ସପ୍ତମ ବେତନ ଲାଗୁ କରିବା ପାଇଁ ମଧ୍ୟ କୁହାଯାଇଛି। ଅନ୍ୟାନ୍ୟ ଦାବି ପୂରଣ ନହେଲେ ଦୁଇ ମାସ ପରେ ଆମେ ପୁଣି ଆନ୍ଦୋଳନକୁ ଆସିବୁ।&rdquo;</p><p>୪୮୮ ବର୍ଗ କଲେଜ ଅଧ୍ୟାପକ ସଂଘ ସଭାପତି ପବିତ୍ର ମହଲା କହିଛନ୍ତି-&ldquo;ଦାବି ମୁତାବକ ଆମେ ସ୍କେଲ ପେ, ଗ୍ରେଡ୍&zwnj; ପେ, ୧୩୨ ପ୍ରତିଶତ ଡିଏ ଓ ପିଛିଲା ଇନ୍&zwnj;କ୍ରିମେଣ୍ଟ ପାଇବୁ। ୨୦୧୮ ଜାନୁଆରୀ ୧ ଠାରୁ ସପ୍ତମ ବେତନ ଲାଗୁ ନେଇ ସରକାର ପ୍ରତିଶ୍ରୁତି ଦେଇଛନ୍ତି।&rdquo;</p><p>ବ୍ଲକଗ୍ରାଣ୍ଟ ଉଚ୍ଛେଦ ଓ ଅନ୍ୟାନ୍ୟ ଦାବି ପୂରଣ ପାଇଁ ଶିକ୍ଷକ, ଅଧ୍ୟାପକମାନେ ଦୀର୍ଘ ୧୭ ଦିନ ଧରି ପିଏମ୍&zwnj;ଜିରେ ଅହୋରାତ୍ର ଧାରଣାରେ ବସିଥିଲେ। ଫଳରେ ଅନେକ ସ୍କୁଲରେ ପାଠ ପଢ଼ା ଠପ୍&zwnj; ହୋଇଯାଇଥିଲା। କେତେକ ସ୍କୁଲରେ ଚଳିତବର୍ଷ ଗଣେଶ ପୂଜା ମଧ୍ୟ ହୋଇ ନଥିଲା। ଦାବି ପୂରଣ ନ ହେଲେ ଗୁରୁଦିବସକୁ କଳା ଦିବସ ରୂପେ ପାଳନ କରିବେ ବୋଲି ଶିକ୍ଷକ ସଂଘ ଚେତାବନୀ ଦେଇଥିଲା।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।