ପାଣ୍ଡିଆନଙ୍କ ପରେ ବବି ପାୱାରଫୁଲ୍‌, ବିଜେଡିର ଏ ଟୁ ଜେଡ୍‌!

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେଡିରେ ଏବେ ଚାଲିଛି କି ପାଣ୍ଡିୟାନ୍-ବବି ରାଜ୍?&nbsp; ବୈଜୟନ୍ତଙ୍କ କ୍ୟାମ୍ପ ଛାଡିଥିବା ଦେବାଶିଷ ମଲ୍ଲିକ ଓ ଅନୁଗତ ସଲିମ୍ ଖାନଙ୍କ ମଧ୍ୟରେ ହୋଇଥିବା ବାର୍ତ୍ତାଳାପର ଅଡିଓ ଟେପ୍ ବାହାରକୁ ଆସିବା ପରେ ବିଜେଡିରେ ପାଣ୍ଡିୟାନ୍ ଓ ପ୍ରଣବ ପ୍ରକାଶ ଓରଫ୍ ବବି ଦାସଙ୍କ ଭୂମିକା କ&rsquo;ଣ ତାର ଗୁମର ବି ଖୋଲିଥିବା ଚର୍ଚ୍ଚା ହେଉଛି। ଅଡିଓ ଟେପ୍&zwnj;ରେ ବୈଜୟନ୍ତଙ୍କ କ୍ୟାମ୍ପ ଛାଡ଼ିଥିବା ଦେବାଶିଷ କହିଥିଲେ, &lsquo;ବବି ଏବେ ନେକ୍ସଟ୍&nbsp; ଟୁ ପି।&nbsp;&nbsp; ଦଳରେ ସେ ଏ ଟୁ ଜେଡ୍।&rsquo;&nbsp; ଏହି ଅଡିଓ ଟେପ୍ ଅନୁଯାୟୀ, ବୈଜୟନ୍ତଙ୍କ ହୁଅନ୍ତୁ କି ଆଉ କିଏ, ବିଜେଡିରେ ଚାଲିଥିବା ବିଭିନ୍ନ ପ୍ରକାର ଷଡ଼ଯନ୍ତ୍ରର ମାଷ୍ଟରମାଇଣ୍ଡ ହେଉଛନ୍ତି ବବି-ପାଣ୍ଡିୟାନ୍।&nbsp;&nbsp; ଅର୍ଥାତ୍ ପ୍ଲାନ ପାଣ୍ଡିୟାନଙ୍କର, ଆଉ କାର୍ଯ୍ୟକାରୀ କରିବା କାମ ବବିଙ୍କର।&nbsp;&nbsp; ତେଣିକି କୌଣସି ବିବାଦରେ ମଧ୍ୟସ୍ଥତା ହେଉ କି କାହା ବିରୋଧରେ ଲାଗିବା ହେଉ।&nbsp; କିଛି ଦିନ ପୂର୍ବରୁ ବ୍ରାହ୍ଣଣ ବିରୋଧୀ ମନ୍ତବ୍ୟ ଦେଇ ମନ୍ତ୍ରିମଣ୍ଡଳରୁ ବିଦା ହୋଇଥିବା ଦାମୋଦର ରାଉତ ଲେଖିଥିବା &lsquo;ଅନର୍ଥର ଅନ୍ତରାଳେ&rsquo; ସ୍ତମ୍ଭରେ ବି ଏହାର ଆଭାସ ରହିଥିଲା।&nbsp; ଦାମ ତାଙ୍କ ସ୍ତମ୍ଭରେ ଯେଉଁ ଯୁବନେତାଙ୍କ ଯୋଗୁଁ ସେ ବିଦା ହୋଇଥିବା ଲେଖିଛନ୍ତି, ସେଥିରୁ ବବି ଅନ୍ୟତମ ନୁହେଁ ତ?</p> <p>&lt;a href=&quot;&quot;&gt;(image) &lt;/a&gt;ବିଜେଡି ରାଜନୀତିରେ ସାମ୍ନାକୁ ଆସିଥିବା ଏହି ନୂଆଯୋଡ଼ି&nbsp; ଏବେ ବେଶ୍ ପାଓ୍ୱରଫୁଲ୍ ବୋଲି ଚର୍ଚ୍ଚା ହେଉଛି।&nbsp; ସବୁବେଳେ ପାଣ୍ଡିୟାନଙ୍କ ପାଖେପାଖେ ରହି ନିଜକୁ କ୍ଷମତାଶାଳୀ&nbsp; ପ୍ରତିପାଦିତ କରୁଛନ୍ତି ବବି।&nbsp; ଗତବର୍ଷ ମନ୍ତ୍ରିମଣ୍ଡଳରୁ ବିଦା ହେବା ପରେ ସବୁ ଗୁରୁତ୍ୱପୂର୍ଣ୍ଣ ବୈଠକରେ ବବିଙ୍କୁ ଦେଖିବାକୁ ମିଳୁଛି।&nbsp;&nbsp; ତେବେ ପ୍ରଶ୍ନ ବବି-ପାଣ୍ଡିୟାନଙ୍କ କାର୍ଯ୍ୟ ଦଳରେ କନ୍ଦଳ ସୃଷ୍ଟି କରୁ ନାହିଁ କି? କାରଣ ବିଜେଡିରେ ବରିଷ୍ଠ ଓ ଅଭିଜ୍ଞ ନେତାଙ୍କ ଅଭାବ ନାହିଁ। ଏମାନଙ୍କ କାର୍ଯ୍ୟ ବିଜେଡିକୁ ଛବିକୁ ବିଗାଡ଼ୁଛି ନା ସୁଧାରୁଛି? ଆଉ ସବୁଠାରୁ ଗୁରୁତ୍ୱପୂର୍ଣ୍ଣ ଏସବୁ ବିଜେଡି ସୁପ୍ରିମୋଙ୍କ ଜାଣତରେ ଚାଲିଛି ତ?</p> <p>https://youtu.be/XTOg5oWvgZI</p>