ଏକ୍ସପାରୀ ସାଲାଇନ ଦିଆଯିବା ଘଟଣାର ତଦନ୍ତ ଆରମ୍ଭ

<p>ବଲାଙ୍ଗିର (ସସ୍ମିତା ସାହୁ): ବଲାଙ୍ଗିର ଜିଲ୍ଲା ମୁଖ୍ୟ ଚିକିତ୍ସାଳୟରେ ରୋଗୀକୁ ଏକ୍ସପାରୀ ସାଲାଇନ ଦିଆଯାଇଥିବା ଅଭିଯୋଗର ତଦନ୍ତ ଆରମ୍ଭ ହୋଇଛି। ଏନେଇ ଘଟଣାର ତଦନ୍ତ ପାଇଁ ସିଡିଏମଓ ନିର୍ଦ୍ଦେଶ ଦେଇଛନ୍ତି।</p> <p>ଗତକାଲି ରାତିରେ ଶିଶୁ ବିଭାଗ ଓ୍ୱାର୍ଡର କିଛି ଶିଶୁ ରୋଗୀଙ୍କୁ ଏକ୍ସପାରୀ ସାଲାଇନ ଦିଆଯାଇଥିବା ନେଇ ଗୁରୁତର ଅଭିଯୋଗ ହୋଇଥିଲା। ବଲାଙ୍ଗିର ଗାନ୍ଧିନଗରପଡାର ଅଚ୍ୟୁତନନ୍ଦ ସ୍ୱାଇଁ ନିଜ ଝିଅକୁ ଜ୍ୱର ହେଉଥିବାରୁ ଶିଶୁ ଓ୍ୱାର୍ଡରେ ଭର୍ତ୍ତି କରିଥିଲେ। ଗତକାଲି ରାତିରେ ତାଙ୍କ ଝିଅଙ୍କୁ ସାଲାଇନ ଲଗାଯାଇଥିଲା। ଅଚ୍ୟୁତାନନ୍ଦ ସାଲାଇନ ବୋତଲର ଏକ୍ସପାରୀ ଡେଟ୍&zwnj; ଦେଖିବାରୁ ଜଣାପଡିଥିଲା ଯେ, ତାହା ନଭେମ୍ବର ୨୦୧୭ରୁ ଏକ୍ସପାରୀ ହୋଇଯାଇଛି। ଏହା ପରେ ଅନ୍ୟ ରୋଗୀମାନଙ୍କର ସାଲାଇନ ବୋତଲ ଦେଖିବାରୁ ଆଉ ତିନୋଟି ଶିଶୁ ରୋଗୀଙ୍କୁ ଏକ୍ସପାରୀ ସାଲାଇନ ଦିଆଯାଉଥିବା ଜଣାପଡିଥିଲା। ଏନେଇ ସେ ସଙ୍ଗେ ସଙ୍ଗେ ଦାୟତ୍ୱରେ ଥିବା ଡାକ୍ତରଙ୍କୁ କହିବାରୁ ସେ ସାଲାଇନ ଗୁଡିକୁ ହଟାଇ ଦେଇଥିଲେ।</p> <p>ଏହି ଖବର ଜଣାପଡିବା ପରେ କର୍ମଚାରୀମାନେ ଷ୍ଟୋର ରୁମକୁ ତାଲା ପକାଇ ଦେଇଥିଲେ।&nbsp; ଯାହାକୁ ନେଇ ରୋଗୀଙ୍କ ସମ୍ପର୍କିୟଙ୍କ ଭିତରେ ଅସନ୍ତୋଷ ଦେଖାଦେଇଥିଲା।</p> <p>ଘଟଣା ସମ୍ପର୍କରେ ଉପରିସ୍ଥ ଅଧିକାରୀଙ୍କୁ ଜଣାଇଦିଆଯିବ ବୋଲି ଶିଶୁ ଓ୍ୱାର୍ଡ ଦାୟିତ୍ୱରେ ଥିବା ଡାକ୍ତର କହିଛନ୍ତି।</p> <p>ସିଡିଏମ କହିଛନ୍ତି, ଘଟଣାର ତଦନ୍ତ ଜାରି ରହିଛି। ହେଲେ ଏକ୍ସପାରୀ ମେଡିସିନ ନେଇ କେହି ଅସୁସ୍ଥ ହୋଇନାହାନ୍ତି।</p>