ପାର୍ସଲ୍ ବୋମା ବିସ୍ଫୋରଣ ଘଟଣା: ଆହତ ରୀମାରାଣୀ ଆଜି ହେବେ ଡିସଚାର୍ଜ

<p>ବଲାଙ୍ଗିର(ଓଡ଼ିଶା ରିପୋର୍ଟର): ବଲାଙ୍ଗିର ପାଟଣାଗଡ଼ ପାର୍ସଲ୍ ବୋମା ବିସ୍ଫୋରଣରେ ଆହତ ହୋଇଥିବା ରୀମାରାଣୀ ଆଜି ଡିସଚାର୍ଜ ହେବେ। ବିସ୍ପୋରଣରେ ଗୁରୁତର ଆହତ ହୋଇ ରୀମାରାଣୀ କଟକ ବଡ ମେଡିକାଲରେ ଚିକିତ୍ସିତ ହେଉଥିଲେ। କ୍ଲିୟରାନ୍ସ ମିଳିସାରିଛି, ଆଜି ସେ ଘରକୁ ଫେରିବେ।</p> <p>ଫେବ୍ରୁଆରୀ ୨୩ ତାରିଖରେ ପାଟଣାଗଡ଼ ଭୋଳାନାଥ ପଡ଼ାର ରବୀନ୍ଦ୍ର ସାହୁଙ୍କ ଘରେ ଘଟିଥିଲା ପାର୍ସଲ ବୋମା ବିସ୍ଫୋରଣ। ରାୟପୁରରୁ ଆସିଥିବା ଉପହାର ଖୋଲିଲା ବେଳେ ବିସ୍ଫୋରଣ ଘଟିଥିଲା। ବିସ୍ଫୋରଣରେ ଆଖି ବୁଜିଥିଲେ ରୀମାରାଣୀଙ୍କ ସ୍ୱାମୀ ସୌମ୍ୟଶେଖର ଓ ତାଙ୍କ ଜେଜେ ମାଆ।</p> <p>ରୀମାଙ୍କ ଅନୁରୋଧ କ୍ରମେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘଟଣାର ତଦନ୍ତ ଦାୟିତ୍ୱ କ୍ରାଇମବ୍ରାଞ୍ଚକୁ ଦେଇଥିଲେ। ହେଲେ ଏପର୍ଯ୍ୟନ୍ତ ସାମ୍ନାକୁ ଆସିପାରିନି ଅଭିଯୁକ୍ତଙ୍କ ଚେହେରା। ଗତ ମାର୍ଚ୍ଚ ୨୪ ତାରିଖ ବଲାଙ୍ଗିରରେ ପହଞ୍ଚି କ୍ରାଇମବ୍ରାଞ୍ଚର ଏସ୍&zwnj;ଆଇଟି ଟିମ୍&zwnj; ତଦନ୍ତ କରିଥିଲା। ଏହାସହ କ୍ରାଇମ୍&zwnj;ବ୍ରାଞ୍ଚ ଟିମ୍&zwnj; କଟକ ବଡମେଡିକାଲ ଯାଇ ରୀମାରାଣିଙ୍କୁ ପଚରାଉଚରା କରିଥିଲା। ଗତ ୨୫ ତାରିଖ ସକାଳେ ଏସ୍&zwnj;ଆଇଟି ଟିମ୍&zwnj; କୋରିୟର ଦେଇଥିବା ସର୍ଭିସ ବଏ ଓ ସ୍କାଏକିଙ୍ଗ କୋରିୟର ମାଳିକଙ୍କୁ ପଚରାଉଚରା କରିଥିଲା।&nbsp;ପରେ ମୃତ ସୌମ୍ୟଶେଖରର ବାପା ଓ ମାଆଙ୍କୁ ଡାକି ଦୀର୍ଘ ସମୟ ଧରି ପଚରାଉଚରା କରାଯାଇଥିଲା।</p> <p>&amp;nbsp;</p> <p>&amp;nbsp;</p>