କଟକ ବାଦାମବାଡ଼ିରେ ପୁଣି ବୋମାମାଡ଼

କଟକ: କଟକ ବାଦାମବାଡ଼ିରେ ପୁଣି ବୋମାମାଡ଼ ହୋଇଛି। ଗତକାଲି ବିଳମ୍ବିତ ରାତିରେ କଟକ ବାଦାମବାଡ଼ି ଥାନା ଠାରୁ ୧୦୦ମିଟର ଦୂର ଜୟଶ୍ରୀ ସିନେମା ହଲ୍‌ ନିକଟବର୍ତ୍ତୀ ରାସ୍ତାରେ ଏହି ବୋମା ମାଡ଼ ହୋଇଛି। ଦୁଇ ଜଣ ଦୁର୍ବୃତ୍ତ ଏକ ସୁତୁଲି ବମ୍ ପକାଇ ପଳାଇଯାଇଥିବା ସ୍ଥାନୀୟ ଲୋକେ କହିଛନ୍ତି। ବୋମାମାଡ଼ରେ କେହି ମୃତାହତ ହୋଇନାହାନ୍ତି।

ବସ୍ ଷ୍ଟାଣ୍ଡରୁ ହକର ଉଚ୍ଛେଦ ବିବାଦକୁ ନେଇ ବୋମାମାଡ଼ ହୋଇଥିବା ସୂଚନା ମିଳିଛି। ପୋଲିସ ଘଟଣାର ତଦନ୍ତ କରୁଛି। ଦୁଇ ମାସ ମଧ୍ୟରେ ବାଦାମବାଡିରେ ପଞ୍ଚମ ଥର ପାଇଁ ବୋମାମାଡ଼ ହୋଇଛି। ଯାହା ଏବେ ପୋଲିସର ଚିନ୍ତା ବଢାଇଦେଇଛି ।