ଘନ ଘନ ବୋମାମାଡ଼; ଘଟଣାସ୍ଥଳକୁ ଯାଇପାରୁନି ପୋଲିସ୍‌

ବ୍ରହ୍ମଗିରି(ଓଡ଼ିଶା ରିପୋର୍ଟର): ଜେଟି ନିର୍ମାଣକୁ କେନ୍ଦ୍ର କରି ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକର ଦୁଇ ଗାଁ ମଧ୍ୟରେ ଗୁଳି ଓ ବୋମାମାଡ଼ ହୋଇଛି। ବୋମାଡ଼ରେ ବାଘମୁଣ୍ଡାର ଗାଁର ୪ ଜଣ ଗୁରୁତର ଭାବେ ଆହତ ହୋଇଛନ୍ତି। କିଆନାସିରେ ସରକାରୀ ଜମିରେ ନିର୍ମିତ ଜେଟିକୁ ସିପାକୁଦା ଗାଁ ଲୋକେ ବିରୋଧ କରୁଛନ୍ତି। ଏହାକୁ ନେଇ ସିପାକୁଦା ଓ ବାଘମୁଣ୍ଡା ଗାଁ ମଧ୍ୟରେ ଗୋଷ୍ଠୀ ସଂଘର୍ଷ ହୋଇଛି। ଉଭୟ ପକ୍ଷରୁ ୧୦୦ଟି ବୋମାମାଡ଼ କରାଯାଇଥିବା ଜଣାପଡ଼ିଛି। ଏହା ସହିତ ଗୁଳିମାଡ଼ ମଧ୍ୟ ହୋଇଛି। ଏଥିରେ ଉଭୟ ପଟରୁ ବୋମାମାଡ଼ ଚାଲିଥିବାରୁ ପୋଲିସ ଘଟଣାସ୍ଥଳକୁ ଯାଇପାରୁ ନାହିଁ।