ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ରାଉରକେଲା(ଓଡିଶା ରିପୋର୍ଟର): ହାତରେ ଲାଗିଛି ମେହେନ୍ଦି। ବନ୍ଧା ହୋଇଛି ଦୁବ, ବରକୋଳିପତ୍ର। ଆଉ ଅଳତା ବୋଳା ପାଦରେ କନ୍ୟା ଥାନାରେ ପହଞ୍ଚି ମଦୁଆ ବରର ଉନ୍ମତ୍ତ କାଣ୍ଡ ସମ୍ପର୍କରେ ପୋଲିସ ପାଖରେ ଲିଖିତ ଅଭିଯୋଗ କରିଛନ୍ତି। ଷ୍ଟିଲସିଟି ରାଉରକେଲାର ଟାଙ୍ଗରପାଲି ଥାନା ଅଞ୍ଚଳରେ ଘଟିଛି ଏହି ଅଭାବନୀୟ କାଣ୍ଡ।</p> <p>ବାଜୁଥିଲା ବ୍ୟାଣ୍ଡ ବାଜା, ଫୁଟୁଥିଲା ବାଣ। ବରଯାତ୍ରୀ ଦଳଙ୍କ ନାଚରେ କମ୍ପୁଥିଲା ସାରା ପରିବେଶ ହେଲେ ହଠାତ୍‌ ଅପ୍ରତ୍ୟାସିତ ଭାବେ ଉଭା ହେଲେ ବରପାତ୍ର। ଗାଡ଼ିରୁ ବାହାରିପଡି ନାଚିବାକୁ ଲାଗିଲେ ଉନ୍ମତ୍ତ ହୋଇ। ମଦ୍ୟପ ବରଯାତ୍ରୀଙ୍କ ତାଳେ ତାଳେ ତାଙ୍କ ଅଳତା ବୋଳା ପାଦ ଏକାକାର ହୋଇଗଲା। କନ୍ୟା ଘର ପାଖେଇ ଆସୁଥିଲେ ବି ସେଥିପ୍ରତି ନିଘା ନ ଥିଲା ତାଙ୍କର। କନ୍ୟାଘର ଲୋକେ ଏ କଥା ଦେଖିଥିଲେ ବି ବରର ପିଳାଳିଆମି ଭାବି କଥାଟାକୁ ସହିଗଲେ। ଆରମ୍ଭ ହେଲା ବାହାଘର। ଗୋଟିଏ ବରଣ ସରିବା ବେଳକୁ ବରଯାତ୍ରୀ ଦଳଙ୍କ ଉତ୍ପାତ ମର୍ଧ୍ ଦ୍ୱିଗୁଣିତ ହୋଇ ଯାଇଥିଲା। କନ୍ୟାଘର ଲୋକେ ଭଲ ଖାଇବାକୁ କରିନାହାନ୍ତି କହି ଆରମ୍ଭ ହେଲା ବୋଲିବାଣି। ଝିଅ ଦେଉଛନ୍ତି ଭାବି ଏ କଥା ବି ସହିଗଲେ କନ୍ୟାଘର ଲୋକେ। ହେଲେ ଅସଲ ବେଳକୁ ବରପାତ୍ରଙ୍କ କାରନାମା ନଜରକୁ ଆସିଲା।</p> <p>ମାଲ୍‌ ଢୋକେ ପଡିଥିବାରୁ ସେ ଆଉ ସମ୍ଭାଳିପାରିଲେନି। ବରଯାତ୍ରୀଙ୍କ ସହ ତାଳ ମିଳେଇ ଭାବି ଶ୍ୱଶୁରଙ୍କୁ ଗାଳି ଗୁଲଜ କଲେ। ଏତିକି ବେଳକୁ ମଦ ବି ତା କମାଲ ଦେଖାଇଲା। ବରପାତ୍ର ଜଣକ ବେଦୀମୂଳେ ବାନ୍ତି କଲେ। ଆଉ ଏଇ କଥା ଜାଣିବା ପରେ ବାହାଘରକୁ ଛି କରିଦେଲେ ମଙ୍ଗୁଲା କନ୍ୟା । ଏମିତି ମଦୁଆ ବରକୁ ବାହାହେବାକୁ ମନା କରି ବାହରିଗଲା ଥାନାକୁ । ଶେଷରେ କାନମୁଣ୍ଡା ଆଉଁଶି ଶିଶୁପାଳ ସାଜିଥିବା ବରପାତ୍ର ନିଜ ଭାଇ ସହ ଥାନାରେ ପହଞ୍ଚିଥିଲେ। ପୋଲିସ ଅଭିଯୋଗକାରୀ କନ୍ୟାପାତ୍ରୀଙ୍କ କଥାରେ ତଦନ୍ତ ଆରମ୍ଭ କରିଥିବା ବେଳେ ଏବେ ଘଟଣା ସାରା ରାଜ୍ୟରେ ଚର୍ଚ୍ଚାର ବିଷୟ ହୋଇଛି।</p> <p>ତା ହେଲେ ଶୁଶନ୍ତୁ ମାତାଲପଣକୁ ନେଇ କି ସଫେଇ ଦେଉଛନ୍ତି ଶିଶୁପାଳ ସାଜିଥିବା ବରପାତ୍ର ଶଙ୍କର ପଣ୍ଡା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
