ଭଦ୍ରକ (ପାର୍ଥସାରଥୀ ନାୟକ): ଭଦ୍ରକ-ଚାନ୍ଦବାଲି ରୋଡ୍ରେ ଚଢ଼ଉ କରି ୧ କେଜି ୧୪୦ ଗ୍ରାମ ଓଜନର ବ୍ରାଉନସୁଗାର ଜବତ କରିଛି STF। ଯାହାର ଅନୁମାନିକ ମୂଲ୍ୟ ୧ କୋଟି ୧୪ ଲକ୍ଷ ଟଙ୍କା ହେବ। ଏହି ମାମଲାରେ ଏସ୍ଟିଏଫ୍ ମୀର ମୀନହାଜ କ୍ୱାଦ୍ରିଙ୍କୁ ଗିରଫ କରିଛି। ଗତ ୨୩ ଦିନରେ STF ୨ କେଜି ୫୫୨ ଗ୍ରାମ ବ୍ରାଉନସୁଗାର ଓ ୨ କ୍ୱିଣ୍ଟାଲ ଗଞ୍ଜେଇ ଜବତ କରିଛି।
ସେପଟେ ଭଦ୍ରକ ଅବକାରୀ ବିଭାଗର ଏକ ସ୍ୱତନ୍ତ୍ର ଟିମ୍ ଭଣ୍ଡାରିପୋଖରୀ ବ୍ଲକର ଆଖୁଆପଦା ନିକଟରୁ ଏକ କାର୍ରୁ ୪୦୦ ଲିଟର ଦେଶୀ ମଦ ଜବତ କରିଛି। କାରଟି ଦେଶୀ ମଦ ଧରି ଆନନ୍ଦପୁରରୁ ଭଦ୍ରକ ଅଭିମୁଖେ ଆସୁଥିଲା। ଚଢ଼ଉ ସମୟରେ ଜଣେ କାର ଛାଡ଼ି ପଳାଇ ଯାଇଥିବା ବେଳେ ଅନ୍ୟ ଜଣକୁ ଅବକାରୀ ବିଭାଗ ଗିରଫ କରିଛି। ଏପରିକି ମଦ ଚାଲାଣ ହେଉଥିବା କାରକୁ ଜବତ କରିଥିଲା। ଜବତ ଦେଶୀ ମଦର ଆନୁମାନିକ ମୂଲ୍ୟ ଲକ୍ଷେରୁ ଅଧିକ ଟଙ୍କା ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
