ବଡ଼ଭାଇଠୁ ବ୍ରାଉନ୍ ସୁଗର ଜବତ, ପୁଲିସ ମିତ୍ର ଥିବା ସାନ ଅଟକ

ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱର ଅନ୍ତର୍ଗତ କେଦାରପଲ୍ଲୀର ପୁଲିସ୍ ମିତ୍ର ସହଦେବ ନାୟକ ଅଟକ। ବ୍ରାଉନ ସୁଗର କାରବାରରେ ସଂପୃକ୍ତି ସନ୍ଦେହରେ ସେ ଅଟକ ଅଛନ୍ତି। ସହଦେବଙ୍କ ବଡ଼ ଭାଇ ଟୁନା ନାୟକଙ୍କୁ ଅବକାରୀ ପୁଲିସ୍ ଗିରଫ କରିଛି। ଆଜି ଟୁନା ନାୟକଙ୍କ ଠାରୁ ୨୦ ଲକ୍ଷ ଟଙ୍କାର ବ୍ରାଉନ୍ ସୁଗର ଜବତ କରାଯାଇଛି।

ବିଶ୍ୱସ୍ତ ସୂତ୍ରରୁ ଖବର ପାଇ ଅବକାରୀ ଅଧିକାରୀମାନେ ସହଦେବଙ୍କ ଘରେ ଚଢ଼ାଉ କରିଥିଲେ। ଅବକାରୀ ପୁଲିସକୁ ଦେଖି ଟୁନା ବ୍ରାଉନ୍‌ ସୁଗର ଧରି ଦୌଡ଼ି ଥିଲେ। ବିଭାଗୀୟ କର୍ମଚାରୀମାନେ ପିଛା କରି ତାଙ୍କୁ କାବୁ କରିଥିଲେ। ଦୁଇ ଜଣଙ୍କୁ ଅବକାରୀ ପୁଲିସ ଅଧିକ ପଚରାଉଚରା କରୁଛି।

ତେବେ ବଡ଼ ଭାଇର ଏହି କଳା ସାମ୍ରାଜ୍ୟ ନେଇ ପୁଲିସ ମିତ୍ର ଥିବା ସାନଭାଇ ସହଦେବ ଜାଣି ନ ଥିଲେ, ନା ଏହି କଳା ସାମ୍ରାଜ୍ୟ ବୃଦ୍ଧି କରିବାରେ ସେ ପୃଷ୍ଠପୋଷକ ଥିଲେ, ତାହା ତଦନ୍ତ ପରେ ଜଣାପଡ଼ିବ ବୋଲି ଅବକାରୀ ବିଭାଗ ପକ୍ଷରୁ ସୂଚନା ମିଳିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।