ଡେରିରେ ଆସିବାରୁ ଅଫିସରଙ୍କୁ ଏମିତି ଦଣ୍ଡଦେଲେ ନିର୍ଦ୍ଦେଶକ: ଅଧିକାରୀ କହିଲେ, ଏଣିକି ମୁଁ ବାହାରେ ବୁଲିବି

<p>ସମ୍ବଲପୁର( ଓଡ଼ିଶା ରିପୋର୍ଟର): ବୁର୍ଲା ବୀର ସୁରେନ୍ଦ୍ର ସାଏ ମେଡିକାଲ କଲେଜରେ ଦେଖିବାକୁ ମିଳିଛି ଏକ ଅପ୍ରୀତିକର ଘଟଣା। ପ୍ରଶାସନିକ ସ୍ତରରେ ଉପୁଜିଛି ଅଜବ ସ୍ଥିତି। ମୁହାଁମୁହିଁ ହୋଇଛନ୍ତି ନିର୍ଦ୍ଦେଶକ ଏବଂ ପ୍ରାଶାସନିକ ଅଧିକାରୀ।&nbsp; ଅଭ୍ୟାସଗତଭାବେ ବିଳମ୍ବରେ ଆସିବାରୁ ପ୍ରାଶାସନିକ ଅଧିକାରୀଙ୍କ ପ୍ରକୋଷ୍ଠରେ ତାଲା ପକାଇଛନ୍ତି ନିର୍ଦ୍ଦେଶକ। ଏନେଇ ପ୍ରାଶାସନିକ ଅଧିକରୀ ଓ.ଏ.ଏସ ସଂଘର ଦ୍ୱାରସ୍ଥ ହୋଇଛନ୍ତି।&nbsp; କିନ୍ତୁ&nbsp;ସେପଟେ&nbsp; ଅଧିକାରୀଙ୍କ ବିରୋଧରେ ପାଲଟା ଆଣିଛନ୍ତି ନିର୍ଦ୍ଦେଶକ।</p> <p>ପ୍ରାଶାସନିକ ଅଧିକାରୀଙ୍କ ନାଁ ଗୋପାଳସ୍ୱାମୀ ନାଇଡୁ। ବିଳମ୍ବରେ ଆସିବାରୁ ତାଙ୍କ ରୁମ୍&zwnj;କୁ ଏପରି ତାଲା ପକାଇ ତାଙ୍କର ଅପମାନ କରାଯାଇଛି ବୋଲି ସେ କହିଛନ୍ତି। ତେଣୁ ସେ ଆଉ ରୁମ୍&zwnj;ରେ ନବସି ଅନ୍ୟତ୍ର ବୁଲିବେ ବୋଲି କହିଛନ୍ତି।</p> <p>ନିର୍ଦ୍ଦେଶକଙ୍କ ଅଭିଯୋଗ କିନ୍ତୁ ଭିନ୍ନ। ସେ କହିଛନ୍ତି, ଗୋପାଳସ୍ୱାମୀ ଅଫିସ୍&zwnj;କୁ ଅଭ୍ୟାସରତ ଭାବେ ବିଳମ୍ବରେ ଆସନ୍ତି। କାମ ଠିକ୍&zwnj;ରେ ଭାବେ କରନ୍ତି ନାହିଁ। କାହାକୁ ନଜଣାଇ ଛୁଟିରେ ରୁହନ୍ତି। ଅଫିସ ଅନୁଶାସନ ଭିତରେ ସେ କେବେ ରୁହନ୍ତି ନାହିଁ।</p> <p>ଏପରି ଘଟଣା ବୁର୍ଲା ମେଡିକାଲ କଲେଜରେ ଚର୍ଚ୍ଚାର ବିଷୟ ପାଲଟିଛି।</p>