ବ୍ରହ୍ମପୁରରେ ବସ୍ ଚଳାଚଳ ବନ୍ଦ

ବ୍ରହ୍ମପୁର(ଜଗନ୍ନାଥ ସାହୁ): ବ୍ରହ୍ମପୁରରେ ଆଜି ସମସ୍ତ ବସ୍ ଚଳାଚଳ ବନ୍ଦ ରହିଛି। ଫଳରେ ଯାତ୍ରୀମାନେ ଅସୁବିଧାର ସମ୍ମୁଖୀନ ହୋଇଛନ୍ତି। ହଳଦିଆପଦରରେ ନିର୍ମାଣ ହୋଇଥିବା ନୂତନ ବସ୍ ଟର୍ମିନାଲ୍‌କୁ ବିରୋଧ କରି ଗଞ୍ଜାମ ଜିଲ୍ଲା ଘରୋଇ ବସ୍ ମାଲିକ ସଂଘ ପକ୍ଷରୁ ଆଜି ବସ୍ ଚଳାଚଳ ବନ୍ଦ କରାଯାଇଛି।  ଭୁବନେଶ୍ୱର, କଟକ, ଛତ୍ରପୁର ଓ ଆସ୍କାକୁ ବସ୍ ଚଳାଚଳ ବନ୍ଦ ରହଛି।

ବ୍ରହ୍ମପୁରରେ ଥିବା ବସ୍‌ଷ୍ଟାଣ୍ଡକୁ ହଳଦିଆପଦର ଟର୍ମିନାଲକୁ ସ୍ଥାନାନ୍ତରକୁ ବସ୍ ମାଲିକ ସଂଘ ଜୋରଦାର ବିରୋଧ କରୁଛି।  ପୂର୍ବରୁ ପ୍ରଶାସନ ନିଷ୍ପତ୍ତି ନେଇଥିଲା ଯେ, ଜାତୀୟ ରାଜପଥ ସହ ସଂଯୁକ୍ତ ଥିବା ଅଞ୍ଚଳ ଯଥା-ପୁରୁଷୋତ୍ତମପୁର, ଖଲ୍ଲିକୋଟ, ଛତ୍ରପୁର, ଭୁବନେଶ୍ୱର ଓ କଟକ ବସ୍‌ ଗୁଡ଼ିକ ହଳଦିଆପଦର ଟର୍ମିନାଲରୁ ଚଳାଚଳ କରିବ। ତେବେ ବସ୍ ରୁଟ୍ ବିବାଦ ଓ ରୋଡ୍ ପରମିଟ୍ ଟ୍ୟାକ୍ସକୁ ନେଇ କୌଣସି ଆଲୋଚନା ହୋଇନଥିବା ଅଭିଯୋଗ କରି ବସ୍ ମାଲିକ ସଂଘ ବସ୍‌ଷ୍ଟାଣ୍ଡ ସ୍ଥାନାନ୍ତରକୁ ବିରୋଧ କରୁଛି ।