କାଠ ବୋଝେଇ ଟ୍ରକ୍‌କୁ ପିଟିଲା ବସ୍‌:୧୫ରୁ ଅଧିକ ଯାତ୍ରୀ ଆହତ

ନୟାଗଡ଼(ସତ୍ୟ ନାରାୟଣ ସୁରଜଗଦେବ): ନୟାଗଡ଼ ଜିଲ୍ଲା ଦଶପଲ୍ଲା ଲୁଣିସରା ନିକଟରେ  ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ଘରୋଇ ବସ୍‌ କାଠ ବୋଝେଇ ଟ୍ରକ୍‌କୁ ପଛପଟୁ ଧକ୍କା ଦେବାରୁ  ୧୫ରୁ ଅଧିକ ଯାତ୍ରୀ  ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୬ ଜଣଙ୍କ ଅବସ୍ଥା ଗୁରୁତର ରହିଛି। ସମସ୍ତ ଯାତ୍ରୀଙ୍କୁ ନୟାଗଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ୨ ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ଭୁବନେଶ୍ୱର  ସ୍ଥାନାନ୍ତର କରାଯାଇଛି।

busବସ୍‌ଟି ଭୁବନେଶ୍ୱରରୁ  ଟିକାବାଲି ଯାଉଥିଲା। ଦୁର୍ଘଟଣା ପରେ ଘଟଣାସ୍ଥଳରୁ ଡ୍ରାଇଭର ଫେରାର୍‌ ହୋଇଯାଇଛି।

truckଡାକ୍ତର ପୀତବାସ ନାୟକ କହିଛନ୍ତି,“ ରାତି ପ୍ରାୟ ୩ଟା ସମୟରେ ଆହତ ଯାତ୍ରୀମାନଙ୍କୁ ଚିକିତ୍ସା ପାଇଁ ଅଣାଯାଇଥିଲା। ସେଥିମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ପ୍ରାଥମିକ ଚିକିତ୍ସା କରି ଭୁବନେଶ୍ୱର ପଠାଇ ଦେଉଛୁ। ଆଉ ଆହତ ୪ ଜଣଙ୍କୁ ଚିକିତ୍ସା ଏଠାରେ ଚାଲିଛି।”