ଭୁବନେଶ୍ୱର(ଓଡ଼ିଶା ରିପୋର୍ଟର): ଆସନ୍ତା ୧୨ ତାରିଖରୁ ରାଜ୍ୟ ବ୍ୟାପୀ ବସ୍ ଧର୍ମଘଟ ଲାଗି ଚେତାବନୀ ଦେଇଛି ରାଜ୍ୟ ଘରୋଇ ବସ୍ ମାଲିକ ସଂଘ। ପୁରୀରେ ବସ୍ ଦୁଷ୍କର୍ମ ମାମଲାରେ ସଂପୃକ୍ତ ବସ୍ର ପରମିଟ୍ ରଦ୍ଦକୁ ବସ୍ ମାଲିକ ସଂଘ ବିରୋଧ କରିଛି। ତୁରନ୍ତ ପରମିଟ୍ ରଦ୍ଦ ଆଦେଶ ପ୍ରତ୍ୟାହାର ନକଲେ ଆନ୍ଦୋଳନକୁ ଓହ୍ଲାଇବ ସଂଘ। ଆସନ୍ତା ୧୨ ତାରିଖରୁ ରାଜ୍ୟ ବ୍ୟାପୀ ବସ୍ ଧର୍ମଘଟ ଲାଗି ସଂଘ ନିଷ୍ପତ୍ତି ନେଇଛି। ସଂଘର ସଂପାଦକ ଦେବେନ୍ଦ୍ର ସାହୁ ଏହି ସୂଚନା ଦେଇଛନ୍ତି।
ସୂଚନା ଅନୁଯାୟୀ, ରଥଯାତ୍ରା ଦେଖିବାକୁ କେନ୍ଦୁଝରରୁ ପୁରୀ ଆସି ଜଣେ ନାବାଳିକା ବସ୍ ଭିତରେ ଦୁଷ୍କର୍ମର ଶିକାର ହୋଇଥିଲେ। ଏହି ଘଟଣାରେ ଅଭିଯୁକ୍ତ ବସ୍ କଣ୍ଡକ୍ଟରକୁ ଗିରଫ କରାଯାଇଥିବା ବେଳେ ଉକ୍ତ ବସ୍ର ପରିମିଟ୍ ବାତିଲ କରାଯାଇଥିଲା। ତା’ସହ ଡ୍ରାଇଭର ଓ କଣ୍ଡକ୍ଟରଙ୍କ ଲାଇସେନ୍ସ ମଧ୍ୟ ବାତିଲ୍ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
