ବିମୁଦ୍ରାକରଣ ବେଳେ କଳା ଧନକୁ ଧଳା କରାଯାଇଥିଲା!

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିମୁଦ୍ରାକରଣ ବେଳେ କଳା ଟଙ୍କାକୁ ଧଳା କରାଯାଇଥିଲା। ଏହି କାରସାଦି ଏବେ ଧରାପଡିଛି। ସମବାୟ ବିଭାଗ ଅଧୀନରେ ଥିବା କ୍ୟାପିଟାଲ କୋଅପରେଟିଭ ହାଉସିଂ ଲିମିଟେଡର ଏହି କାରସାଦିକୁ ଧରିଛନ୍ତି ଖୋଦ ବିଭାଗୀୟ ଅଧିକାରୀ। ଏହି ତଦନ୍ତ ରିପୋର୍ଟ ଅନୁଯାୟୀ, ସମବାୟ ସଚିବଙ୍କୁ ଲେଖିଛନ୍ତି କୋଅପରେଟିଭି ସୋସାଇଟିର ରେଜିଷ୍ଟ୍ରାର। ସିବିଆଇକୁ ମଧ୍ୟ ଯାଇଛି ଏହାର ଏକ ନକଲ।</p><p>ରିପୋର୍ଟରେ ଉଲ୍ଲେଖ ଅଛି, ଭୁବନେଶ୍ୱର ରଘୁନାଥପୁର ଅଞ୍ଚଳରେ ଥିବା ସୋସାଇଟିର ମୂଲ୍ୟବାନ ଜମିକୁ ହଡପ୍&zwnj; କରିବା ପାଇଁ ହୋଇଥିଲା ଷ଼ଡଯନ୍ତ୍ର। ୩୨ ଲକ୍ଷ କଳା ଟଙ୍କାକୁ ଧଳା କରିବା ଉଦ୍ଦେଶ୍ୟରେ କିଣାଯାଇଥିଲା ଏହି ଜମି। ତଦନ୍ତକାରୀ ଅଫିସରଙ୍କ ଏହି ରିପୋର୍ଟକୁ ଆଧାର କରି ଅର୍ଥନୈତିକ ଅପରାଧ ଶାଖାକୁ ଅଧିକ ତଦନ୍ତ ପାଇଁ ସୁପାରିଶ କରିବାକୁ ସଚିବଙ୍କୁ ଲେଖିଛନ୍ତି କୋଅପରେଟିଭ ସୋସାଇଟିର ରେଜିଷ୍ଟ୍ରାର। ବିଭାଗୀୟ ମନ୍ତ୍ରୀ କହିଛନ୍ତି ତାଙ୍କ ପାଖକୁ ଏହି ଫାଇଲ ଆସିନି।</p><p>&lt;a href=&quot;&quot;&gt;(image) &lt;/a&gt;୨୦୧୭ ଜାନୁଆରୀ ୨୦ ତାରିଖରେ କ୍ୟାପିଟାଲ ହାଉସିଂର ନିର୍ଦ୍ଦେଶକ ଜୟନ୍ତ ପଟ୍ଟନାୟକଙ୍କ ଅଭିଯୋଗକୁ ଆଧାର କରି ଆବଶ୍ୟକ କାର୍ଯ୍ୟାନୁଷ୍ଠାନ ନେବାକୁ କୋଅପରେଟିଭ ସୋସାଇଟିର ରେଜିଷ୍ଟ୍ରାରଙ୍କୁ ଚିଠି ଲେଖିଥିଲେ ସିବିଆଇ ଏସ୍&zwnj;ପି ରାଜୀବ ରଂଜନ। ପରେ କ୍ୟାପିଟାଲ ହାଉସିଂ ଅନ୍ୟ କିଛି କର୍ମଚାରୀ ସଂସ୍ଥାରେ କୋଟି କୋଟି ଟଙ୍କାର ସ୍କାମ ହେଉଥିବା ନେଇ ମୁଖ୍ୟମନ୍ତ୍ରୀ, ସମବାୟ ମନ୍ତ୍ରୀ ଓ ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ଅଭିଯୋଗ କରିଥିଲେ। ମେ ୧୭ ତାରିଖରେ ସମବାୟ ବିଭାଗ ଏନେଇ କାର୍ଯ୍ୟାନୁଷ୍ଠାନ ନେବାକୁ ରେଜିଷ୍ଟ୍ରାରଙ୍କୁ କହିଥିଲେ। ଅଭିଯୋଗ ଅନୁସାରେ&nbsp; ରଘୁନାଥପୁରରେ ଥିବା ସୋସାଇଟିର ୭ କୋଟି ୫୦ ଲକ୍ଷ ଟଙ୍କାର ଜମିକୁ ୮ ଜଣଙ୍କ ନାଁରେ କରି ଅଗ୍ରୀମ ୩୫ ଲକ୍ଷ ଟଙ୍କା ଆଣିଥିଲା ସୋସାଇଟି। ସେଥିରୁ ୩୦ ଲକ୍ଷ ଆଇଡିବିଆଇ ବ୍ୟାଙ୍କ ବାପୁଜିନଗର ଶାଖାରେ ନଭେମ୍ବର ୨୧ ତାରିଖରେ ଜମା ହୋଇଥିବା ଅଭିଯୋଗ ହୋଇଛି। ବାକି ୫ ଲକ୍ଷ ଟଙ୍କା ସୋସାଇିଟିର ସିଇଓ ରାଜକିଶୋର ପରିଡାଙ୍କ ପୁଅ ବାହାଘର ପାଇଁ ଦିଆଯାଇଥିବା କୁହାଯାଇଛି। ତେବେ ସୋସାଇଟି କର୍ତ୍ତୃପକ୍ଷ ଏହି ଅଭିଯୋଗରୁ ଖଣ୍ଡନ କରିଛନ୍ତି। ଆସିଷ୍ଟାଣ୍ଟ ରେଜିଷ୍ଟ୍ରାର ଦେଇଥିବା ତଦନ୍ତ ରିପୋର୍ଟ ଭୁଲ ବୋଲି କହିଛନ୍ତି ସୋସାଇଟି ସଭାପତି।</p><p>ସରକାରଙ୍କ ନାକ ତଳେ ହୋଇଥିବା ଏହି ଦୁର୍ନୀତିକୁ ସମବାୟ ବିଭାଗ ସାମ୍ନାକୁ ଆଣିଛି ସତ। ହେଲେ ଏବେ ବିଭାଗୀୟ ମନ୍ତ୍ରୀ, ଆସିଷ୍ଟାଣ୍ଟ ରେଜିଷ୍ଟ୍ରାରଙ୍କ ତଦନ୍ତ ରିପୋର୍ଟକୁ ଚୂଡ଼ାନ୍ତ ନୁହେଁ ବୋଲି କହିବା ଅନେତ ପ୍ରଶ୍ନ ଛିଡ଼ା କରିଛି।</p><p>https://youtu.be/LZVUJ2Uchos</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।